+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Álemniń 11 elindegi qandastarǵa qazaq tili  kýrstaryn uıymdastyrý josparlanýda

2020 jylǵy 9 qańtar 16:35
Bólisińiz:
Álemniń 11 elindegi qandastarǵa qazaq tili  kýrstaryn uıymdastyrý josparlanýda

NUR-SULTAN. QazAqparat – Prezıdent Qasym-Jomart Toqaevtyń «Abaı jáne HHІ ǵasyrdaǵy Qazaqstan» maqalasy – uly aqynnyń qazaq halqy úshin ulttyq bolmysymyzdyń úlgisi bolyp qala beretin tulǵa ekenin aıǵaqtaıdy. «Til-qazyna» ulttyq ǵylymı-praktıkalyq ortalyǵynyń bas dırektory Álibek Asqarov osyndaı pikir bildirdi, dep habarlaıdy QazAqparat tilshisi.

Uqsas jańalyqtar
Abaıdyń 175 jyldyǵy: Almatyda jastar zııatkerlik kvestke qatysty Qandastarǵa Qazaqstanda turýǵa jáne azamattyǵyn alýǵa bir ótinish berý quqyǵy usynylmaq SQO-da joǵary oqý ornyna jáne qazaq mektebine Abaı esimi beriledi

«Halqymyzdyń uly aqyny Abaı shyǵarmashylyǵy adamgershilik jáne izgilik týraly ıdeıalarǵa toly ekeni belgili. Gýmanıst aqynnyń oılary óz halqynyń rýhanııatyn baıytyp qana qoımaı, búkilálemdik aqyl-oı qazynasyna da úles qosty», - dedi Álibek Asqarov QazAqparat tilshisine.

Ol óz sózinde «Til-qazyna» ulttyq ortalyǵy – bul elimizdegi qazaq tilin oqytý, úıretý men latyn grafıkasyna kezeń-kezeńimen kóshirýdiń ǵylymı-uıymdastyrýshylyq mindetterin iske asyratyn respýblıkalyq ortalyq mekeme ekenin eske salyp ótti.

«Ózderińizge belgili, Qazaqstan Respýblıkasynyń Tuńǵysh Prezıdenti - Elbasynyń 2017 jylǵy 26 qazandaǵy «Qazaq álipbıin kırıllıtsadan latyn grafıkasyna kóshirý týraly» №569 Jarlyǵyna sáıkes, qazaq álipbıin latyn grafıkasyna kóshirý jumystary bastalyp ketti. Sonymen qatar, qazaq tiliniń jahandaný úderisindegi ómirsheńdigin qamtamasyz etý úshin tildiń áleýetin úzbeı, jetildirip otyrý da mańyzdy. Bul rette, qazaq tilin oqytý ádistemelerin júıeleý, standarttaý, oqý-ádistemelik quraldaryn ázirleý jumystary negizgi orynǵa ıe. 2020 jyly memlekettik tapsyrma aıasynda «Til-qazyna» ulttyq ortalyǵy «Abaı ınstıtýty» atty Qazaqstanda jáne shetelde qazaq tilin úıretý jáne ilgeriletý baǵdarlamasyn iske asyrýdy josparlap otyr. Baǵdarlama aıasynda álemniń 11 elindegi qandastarymyzǵa qazaq tilin meńgerý, úırený kýrstaryn uıymdastyrsaq degen oıdamyz. Erekshe ádistememen ótetin qazaq tiliniń kýrstary Reseıdegi, Qytaı men Monǵolııadaǵy, Túrkııa men Tájikstan, Túrikmenstan, Iran, Ýkraına, AQSh elderindegi qandastarymyz qazaqtyń aıtýly aqyndary men jazýshylarynyń eńbekteri arqyly ana tilderin tereńirek bilýlerine, meńgerýlerine yqpal etedi. Uly aqyn Abaı shyǵarmalary osy kýrstarda da ótkiziletin bolady», - deıdi ol.

Álibek Asqarov Memleket basshysy Qasym-Jomart Toqaevtyń «Abaı jáne HHІ ǵasyrdaǵy Qazaqstan» maqalasy - Abaı qazaq halqy úshin urpaqtan urpaqqa jalǵasatyn ulttyq bolmysymyzdyń úlgisi bolyp qala beretin tulǵa ekenin aıǵaqtaıtynyn jetkizdi.

Eske sala ketsek, «Egemen Qazaqstan» gazetiniń búgingi sanynda QR Prezıdenti Qasym-Jomart Toqaevtyń «Abaı jáne HHІ ǵasyrdaǵy Qazaqstan» atty maqalasy jarııalanǵan bolatyn.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT