+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Álemge tanymal búrkitshi Aısholpan Almatydaǵy JOO-ǵa oqýǵa tústi

2020 jylǵy 13 tamyz 19:06
Bólisińiz:
Álemge tanymal búrkitshi Aısholpan Almatydaǵy JOO-ǵa oqýǵa tústi

ALMATY. QazAqparat - Dúnıejúzinde eń jas qusbegi atanǵan qandasymyz Aısholpan Nurǵaıyp Almaty qalasyndaǵy Sýleıman Demırel ýnıversıtetiniń stýdenti atandy, dep habarlaıdy QazAqparat.

Aıta keteıik, qusbegilik ónerdi álemniń túkpir-túkpirinde nasıhattap, Nıý-Iorkte «Azııanyń batyr qyzy» ataǵyna ıe bolǵan Aısholpanǵa budan buryn álemniń beldi joǵary oqý oryndary – Garvard pen Oksford bilim alýǵa usynys bildirgen bolatyn. Alaıda, atajurtqa oralǵan qandasymyz bıyl Nur-Sultan qalasyndaǵy «Spectrum» halyqaralyq mektebin támamdap, izinshe otandyq JOO-ǵa oqýǵa tústi.

Qazaq halqynyń qusbegilik ónerin álemdik arenada keńinen nasıhattap, otandyq etnomádenıetke eleýli úles qosqany úshin Aısholpan Nurǵaıypqa S.Demırel ýnıversıtetiniń basshylyǵy 100 paıyzdyq bilim grantyn taǵaıyndaǵan bolatyn.

JOO-dan málim etkendeı, Aısholpan «Eki shet tili» mamandyǵyn tańdap otyr.

«Oqýǵa túsken kúnnen bastap sabaǵymdy jaqsy oqyp, birneshe shet tilin meńgergen myqty maman bolǵym keledi. Tek bilim alyp qana qoımaı, óz-ózimdi jan-jaqty damytyp, dostar taýyp, naǵyz SDÝ stýdenti atanamyn degen úmittemin. Meniń ónerime tánti bolyp, Londondaǵy Oxford ýnıversıteti jáne Amerıkadaǵy birqatar ýnıversıtetter oqýǵa shaqyrǵan bolatyn. Alaıda, men óz atamekenim – Qazaqstanda qalatyn boldym», - dep lebizin bildirdi 1-kýrs stýdenti atanǵan Aısholpan Nurǵaıyp.

Aıta keteıik, 2014 jyly aǵylshynnyń «Daily Mail» basylymy qusbegilik ónerin ıgergen 13 jastaǵy qazaq qyzy týraly maqala jarııalap, Aısholpandy búkil álemge tanymal etken bolatyn. Osydan keıin rejısser Otto Bell «Búrkitshi qyz» (The Eagle Huntres) atty derekti fılm túsirdi. Atalǵan fılm Oskar syılyǵyna úmitker úzdik 15 fılmniń qataryna endi. Sol kezde fılm avtorlary túsirilim jumystaryn qalaı júrgizgenderin aıtyp berdi.

Al Avstralııa ánshisi Sııa Ferler «Angel by the Wings» atty ánine klıp shyǵardy. Atalǵan shyǵarma Mońǵolııadaǵy búrkitshi qazaq qyzy Aısholpan Nurǵaıypqyzy týraly derekti fılmniń resmı saýndtregi bolyp sanalady.

Sondaı-aq, Aısholpanǵa «Asia Game Changer Awards 2017» syılyǵy berilgen bolatyn.

2018 jyly mońǵolııalyq qandasymyz Qazaqstanǵa arnaıy kelip ketken edi. Sol tusta ózi túsken «Kóshpendiler» derekti fılminiń «Mońǵolııa qazaqtary: Búrkitshiler» bólimi kórermenge jol tartty.



Bizdiń kanalymyzǵa jazylyńyz:

#Almaty   #JOO-lar   #Aımaq  
Bólisińiz:

Avtor:

Mıra Tólendiqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT