+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

Álemdik dinder sezi: Hatshylyq otyrysynda qandaı usynystar jasaldy

2019 jylǵy 30 qyrkúıek 18:54
Bólisińiz:
Álemdik dinder sezi: Hatshylyq otyrysynda qandaı usynystar jasaldy

ALMATY. QazAqparat – Osy jyldyń 18 qyrkúıeginde elordadaǵy Beıbitshilik jáne kelisim saraıynda Álemdik jáne dástúrli dinder lıderleri sezi Hatshylyǵynyń XVIII otyrysy ótti. Álemniń túkpir-túkpirinen din kóshbasshylary arnaıy kelip qatysqan alqaly jıyn barysynda VI sezdiń qorytyndysy shyǵarylyp, Hatshylyq qyzmetiniń keleshegi boıynsha pikir almasý ótti. Sondaı-aq 2021 jylǵy Álemdik jáne dástúrli dinder lıderleriniń VII sezin ótkizý boıynsha usynystar, sezd Hatshylyǵynyń HІH otyrysyn ótkizý ýaqyty men ornyn anyqtaý máseleleri jan-jaqty talqylandy.

Uqsas jańalyqtar
Qazaqstan konfessııaaralyq dıalogtyń ashyq alańyna aınaldy Darıǵa Nazarbaeva álemdik dinder lıderleriniń ókilderimen kezdesti Álemdik dinder sezi: «Erikti elshi» ataǵyn berý usynyldy

QR Parlamenti Senatynyń tóraǵasy - Álemdik jáne dástúrli dinder lıderleri sezi Hatshylyǵynyń basshysy Darıǵa Nazarbaevanyń tóraǵalyǵymen ótken halyqaralyq shara barysynda birqatar ózekti máseleler de kóterildi. Jıyn óterden bir kún buryn Hatshylyqtyń arnaıy jumys toby bas qosyp, birqatar naqty usynystar ázirlegen bolatyn. Máselen, jumys toby arnaıy qujatpen QR Tuńǵysh Prezıdenti – Elbasy Nursultan Nazarbaev eńbegin máńgi este qaldyrýdy usyndy.

«Jumys tobynyń barlyq músheleri bir aýyzdan sezdiń (Álemdik jáne dástúrli dinder lıderleri sezi) biregeı ekendigin jáne onyń 2021 jyly Qazaqstan Respýblıkasy Táýelsizdiginiń 30 jyldyǵymen tuspa-tus ótetindigin atap ótti. Qazaqstannyń Tuńǵysh Prezıdenti Nursultan Ábishuly Nazarbaevtyń sezdi shaqyrýdaǵy, onyń ıdeıalaryn álemdik arenada ilgeriletýdegi irgeli úlesi aıryqsha atap ótildi», - dedi QR Aqparat jáne qoǵamdyq damý vıtse-mınıstri Marat Ázilhanov.

Osy oraıda, vıtse-mınıstr atalǵan jumys toby tarapynan Elbasynyń sezd jumysyn ilgeriletýdegi eren eńbegin arnaıy qujat arqyly máńgige este qaldyrý týraly usynys bolǵanyn aıtty.

«Osynaý bastama aıasynda jumys tobynyń músheleri arnaıy qujattyń túri men formatyn oılastyrýǵa daıyn ekendikterin bildirdi. Atalǵan qujatty 2021 jyly ótetin 7-shi sezde qabyldaýǵa bolar edi. Onda sezd avtory Nursultan Nazarbaevtyń osynaý biregeı jahandyq tuǵyrnamamyzdy qurýdaǵy aıryqsha róli kórinis tabady», - dedi M.Ázilhanov.

Kelesi usynys Álemdik jáne dástúrli dinder lıderleri sezi Hatshylyǵynyń múshelerine «Erikti elshi» ataǵyn berý tóńireginde boldy.

«Sezd hatshylyǵy múshelerine Álemdik jáne dástúrli dinder lıderleri seziniń «Erikti elshisi» ataǵyn berý týraly másele jan-jaqty talqyǵa tústi. Erikti elshiler sezd atynan jáne tapsyrmasymen túrli álemdik dıalog alańdarynda sezdiń ıdeıalary men tujyrymdamalaryn nasıhattaý boıynsha sóz sóıleý quqyǵyna ıe bolar edi», - dedi Marat Ázilhanov.

Sonymen qatar, ol jumys tobynyń músheleri aldaǵy sezdiń sektsııalyq otyrystarynyń formatyn ózgertip, mazmunyn baıytý máselesine qatysty da usynystar bergenin aıtty.

«Jumys tobynyń qatysýshylary sektsııalyq otyrystardy uıymdastyrýdyń jańa formattaryn ázirleý týraly sheshim qabyldady. Jumys tobynyń barlyq músheleri Konfessııaaralyq jáne órkenıetaralyq dıalogty damytý jónindegi Nazarbaev ortalyǵymen óz elderimen, seriktes elderdegi bedeldi halyqaralyq uıymdarmen, iri dinı ortalyqtarmen yntymaqtastyqty nyǵaıtýǵa daıyn ekendikterin bildirdi» - dedi ol.

Taǵy bir usynys sezdiń ánuranyn shyǵarý tóńireginde boldy. «Álemdik jáne dástúrli dinder lıderleri seziniń ánuranyn shyǵartý týraly óte qyzyqty shyǵarmashylyq usynysty jarııa etkim kelip otyr. Usynys Acharııa («Somaııa Baharatııa Sankrıtı Pıtam» úndi mádenı ortalyǵynyń dırektory - Kala Dhanandjeı Acharııa) hanym tarapynan tústi. Usynys óte qyzyqty. Osy usynys qoldaý taýyp jatsa, onda biz osy baǵytta jumys ister edik», - dedi Marat Ázilhanov.

Bizdiń kanalymyzǵa jazylyńyz:

Basty sózder: Din, Dinder sezderi,
Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT