+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Álemdik avtosport juldyzdary Qazaqstanǵa keledi

2019 jylǵy 11 jeltoqsan 11:36
Bólisińiz:
Álemdik avtosport juldyzdary Qazaqstanǵa keledi

NUR-SULTAN. QazAqparat - Álemdegi avtosport jarysynyń eń uzaq jáne eń qaýipti «Jibek joly -2020» rallı-reıdiniń marshrýty Qazaqstan aýmaǵynan ótedi, dep habarlaıdy QazAqparat sport.inform.kz-ke silteme jasap.

Bul Reseı, Qazaqstan jáne Qytaı sekildi úsh eldiń memleketaralyq jobasynyń onynshy, merekelik marafony. «Jibek joly» merekelik rallıi 2020 jyldyń 3 shildesinde Máskeý qalasyndaǵy Qyzyl alańda bastalyp, 16 shilde kúni Qytaıdaǵy Úrimjide aıaqtalady.

Qatysýshylardy Reseıdiń ormandary men ózenderi men jolsyz aımaqtarynan keıin Qazaqstannyń jazyqtary men dalalary, alyp shóleıt landshaft kútip tur. Sodan keıin qatysýshylar bir kún demalyp, Gobı shólinde jalǵasyn tabatyn qytaılyq kezeńge jol tartady. 8000 kılometr qashyqtyqty eńsergen marafon Úrimjide aıaqtalady.

«Jibek joly» rallıiniń uıymdastyrýshylary bul jarystyń teńdesi joq dep esepteıdi.

«Bizdi barlyq jerde taǵatsyzdana kútip otyratynyn ár qatysýshy biledi. Rallıdiń kómegimen biz álem jurtshylyǵyna jergilikti turǵyndardy, olardyń mádenıeti men tabıǵatynyń ádemiligin kórsetkimiz keledi. Biz merekelik on jyldyq basylymǵa logıstıka turǵysynan qıyn emes, biraq sport turǵysynan qyzyqty marshrýt jasaýdy oıladyq, - deıdi joba jetekshisi, burynǵy «KAMAZ Master» komandasynyń beldi múshesi Vladımır Chagın.

Atap ótetin jaıt, «Jibek joly» transkontınentaldy jarysy tuńǵysh ret rallı-reıd boıynsha FIA Álem Kýbogynyń kezeńine aınaldy. Silk Way Rally 2020 kross-kantrıden FIM álem chempıonaty men rallı-reıd boıynsha FIA álem kýbogynyń eń uzaq kezeńi bolady.

Esterińizge sala keteıik, Qazaqstanda «Jibek joly» rallıi eki jyl qatarynan ótkizilgen. 2016 jyly transkontınentaldy marafon qatysýshylary «Jibek jolyn» álemdegi eń kúrdeli jarys dep atady.

Bizdiń kanalymyzǵa jazylyńyz:

#Sport  
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT