+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

Álemdi aýzyna qaratqan Álim Londondaǵy baıqaýda bas júldeni aldy

2021 jylǵy 27 qyrkúıek 09:53
Bólisińiz:
Álemdi aýzyna qaratqan Álim Londondaǵy baıqaýda bas júldeni aldy

LONDON. QazAqparat – Qazaqstandyq mýzykant Anglııanyń Lıds qalasynda ótken bedeldi baıqaýda bas júlde jeńip aldy. 23 jastaǵy pıanıst Álim Beısembaev úsh jylda bir ret uıymdastyrylatyn jáne talaı talanttarǵa qanat bitirgen halyqaralyq óner dodasynda altyn medal qanjyǵalady, dep habarlaıdy QazAqparat tilshisi.

Uqsas jańalyqtar

Álim álemniń túkpir-túkpirinen kelgen pıanısterdi shań qaptyrdy. Odan keıingi oryndarda japonııalyq ónerpaz ekinshi, ızraıldik mýzykant úshinshi oryn aldy. Bas júlde Fannı Ýoterman atyndaǵy altyn medal. Ýoterman – 20 jyldyq tarıhy bar baıqaýdyń negizin qalaýshy álemge áıgili pıanıst. Ótken jyly 100 jasqa kelip, qaıtys bolǵan. Medaldan bólek Álim Beısembaev 25 myń sterlıng fýnty kólemindegi aqshalaı syılyqqa ıe boldy jáne eń bastysy Warner Classics mýzykalyq leıblymen kelisim-shartqa otyrdy. Eýropa boıynsha týrǵa shyǵý múmkindigi taǵy bar.

«Bizge shamamen keminde 300-350 mınýttaı repertýarmen qatysý kerek boldy. Oryndalatyn shyǵarmalardyń kólemi kóp bolǵandyqtan óte qıyn baıqaýlardyń biri sanalady. Jeńisimnen keıin Ýorner Klassıks leıbly kúni keshe meniń jeke albomymdy basyp shyǵardy. Ony Eppl Mıýzık jáne Spotıfaı qosymshalary arqyly tyńdaýǵa bolady», deıdi Álim Beısembaev.

Álim fortepıanoda 5 jasynan oınaıdy. Kúlásh Baıseıitova atyndaǵy mýzykalyq mektepte, Jánııa Áýbákirova mektebinde jáne Máskeýdegi Chaıkovskıı atyndaǵy konservatorııa janyndaǵy mektepte oqyǵan. 12 jasynan bastap, Anglııadaǵy jas mýzykanttarǵa arnalǵan Persella mektebinde, 18 jasynan bastap, Mýzykanyń Koroldik akademııasynda ataqty pedagog Tessa Nıkolsonnyń qolynda tegin bilim alǵan.

«Ata-anamnyń eshqaısysynyń ónerge qatysy joq. Men úıdegi jalǵyz mýzykantpyn. Ol kisilerdiń aıtýynsha, kishkentaı kezimde dúkenge barǵanymda shaǵyn oıynshyq pıanıno tańdap alyppyn. Sodan beri fortepıano meniń ómirlik serigime aınaldy», deıdi jeńimpaz.

Álim qazir Londondaǵy Koroldik mýzykalyq kolledjde magıstratýrada oqıdy. Qazaqstandyq ónerpazǵa degen suranys óte joǵary. Іri kontsertter berip, eýropalyq kórermenniń ystyq yqylasyna bólenip júr. Ol týraly sheteldik basylymdar da jarysyp jazyp jatyr. Álim álemdik týrǵa shyqqan ýaqytynda týǵan jerinde de óner kórsetýdi armandaıdy.


Bizdiń kanalymyzǵa jazylyńyz:

#Mádenıet   #Álem   #Óner  
Bólisińiz:

Avtor:

Ǵalymjan Qaramanuly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT