+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Álemdegi iri áskerı kemeni tizgindegen qandasymyz týǵan aýylyna oraldy - Sheteldegi qazaq tildi BAQ-qa sholý

2021 jylǵy 11 shilde 09:41
Bólisińiz:
Álemdegi iri áskerı kemeni tizgindegen qandasymyz týǵan aýylyna oraldy - Sheteldegi qazaq tildi BAQ-qa sholý

NUR-SULTAN. QazAqparat - «QazAqparat» HAA sheteldegi qazaq tilinde taraıtyn aqparat kózderine aptalyq sholýyn usynady.

Uqsas jańalyqtar
Samýraılardyń qorǵanysyn tas-talqan etken Іkeı batyr týraly ne bilemiz? - Sheteldegi qazaq tildi BAQ-qa sholý

Ushaq tasıtyn áskerı keme tizginin ustaǵan Jadyra Qabylqyzy aýylyna oraldy - CNR

24 jasynda Qytaıdyń ushaq tasıtyn əskerı kemesin tizgindegen Jadyra Qabylqyzy áskerı qyzmetten bosap,týǵan aýylyna oraldy, dep jazady Qytaılyq kazakcnr.com saıty.

Atalǵan BAQ-tyń jazýynsha, Jadyra Qabylqyzy 1995 jyly Qytaıdyń Altaı aımaǵynyń Jemeneı aýdanynda týǵan. Ol 2014 jyly Ekonomıka jáne menedjment mamandyǵy boıynsha Sanjy ınstıtýtyna oqýǵa túsip, ekinshi jylynda óz qalaýymen áskerge shaqyrylǵan. Osylaısha bala kezinen ásker bolýdy armandaǵan qazaqtyń erjúrek ári zerek qyzy túrli synaqtardan súrinbeı ótip, Qytaı áskerı teńiz flotynyń jaýyngerleriniń qataryna qosylady. Jadyra kompıýterlik esepteýge júırik bolǵandyqtan kemeniń qozǵalys traektorııasyn jyldam esepteı alǵan.

«Jadyra Qabylqyzy teńiz flotyndaǵy bes jyldyq áskerı mindetin sátti ótep, Shyńjańǵa qaıtyp kelip Sanjy ınstıtýtyndaǵy oqýyn jalǵastyrdy. Ol aýylyna oralǵannan keıin, týǵan mekeni Altaı aımaǵynda qysqy týrızminiń damyǵandyǵyn kórip, ósken eline óz úlesin qosý maqsatymen, 2022 jylǵy Beıjiń qalasynda ótetin qysqy Olımpıada oıyndaryna volonter bolýǵa tizimdelgen», -dep jazady CNR saıty.

Aıta keteıik, qazaqtyń batyr qyzy tizgindegen «Lıaonın» kemesi, quramynda 2000 myńǵa jýyq adamy bar, 50-ge jýyq ushaq pen tikushaqqa aerodrom bolǵan, qyrýar qarý-jaraq tıegen Qytaı flotynyń eń aıbarly kemeleriniń biri. Mundaı avıanosets əlemniń sanaýly alpaýyt elderinde ǵana bar eken.

Ózbek jáne qazaq kınorejısserleri birlesip «Kórshiler» atty kartına túsirmek - «ÓzA» aqparattyq agenttigi


Ózbekstandyq jáne Qazaqstandyq kınorejısserler birlesip «Kórshiler» atty komedııalyq janrda fılm túsiretin boldy, dep jazady Ózbekstannyń «ÓzA» memlekettik aqparattyq agenttigi.

«Qazaqstandyq kınorejısserler Aqan Sataev pen Azımjan Saıdbaev Kınematografııa agenttigi basshylyǵymen onlaın rejıminde kezdesý ótkizdi. Kezdesýde taraptar «Jibek jolynyń injý-marjany» Tashkent halyqaralyq kınofestıvalin ótkizý, Ózbekstan kınosy kúnderin Qazaqstanda ótkizý, sondaı-aq «Kórshiler» fılmin birlesip túsirý boıynsha yntymaqtastyq máselelerin talqylady. «Kórshiler» fılmi - bul ózbek pen qazaq kórshileriniń qarym-qatynasy jáne aýla arasyndaǵy qabyrǵa buzylǵannan keıin tabylǵan altynǵa qatysty oqıǵalar týraly komedııalyq kartına», -dep jazady «ÓzA» aqparattyq agenttigi.

Atalǵan BAQ-tyń jazýynsha, Fılm Ózbekstannyń halyq aqyny Erkın Vahıdovtyń «Altyn qabyrǵa» shyǵarmasy negizinde túsirý josparlanǵan. Kartınanyń stsenarııin jazýǵa qazaqstandyq akter, bloger jáne stsenarıst Azamjan Saıdbaev jazady. Jańa birlesken fılm Halyqaralyq «Jibek Joly injý-marjany» Tashkent kınofestıvalinde úlken ekarnǵa shyǵady dep josparlanǵan.

Aýasy taza taý qalasy - «Aǵajaı-Altaı aqparat» saıty


Janǵa jaıly, tabıǵaty ásem, aýasy taza taý qalasy Altaıdyń «tabıǵı óttegi qoımasy» Degen aty bar, dep jazady kazakh.altxw.com saıty.

«Qytaıdaǵy qazaq ulty meken etken Altaı aımaǵynyń ortalyǵy Altaı qalasynyń aınalasyn asqar taý, ný orman qorshap, qyran ózeni qalanyń qaq ortasynan endeı ótedi. Óńirdiń osyndaı sırek kezdesetin ózgeshe klımat áseri janǵa jaıly tabıǵı orta qalyptastyryp, álemniń ár túkpirinen keletin týrısterdi qyzyqtyryp otyr. 2020 jyly tabıǵaty ásem, aýasy taza erekshe qalany tamashalaýǵa 1 mıllıon 500 myń týrıs at basyn burǵan. Nazarlaryńyzǵa osy kórkem qalanyń kórinisterinen fotoreportaj usynamyz», - dep jazady «Aǵajaı-Altaı aqparat» saıty.



Volkan Bozkyr Qazaqstanǵa bardy - TRT


BUU Bas Assambleıasynyń tóraǵasy, túrik azamaty Volkan Bozkyr Túrikmenstan, Ózbekstan, Qyrǵyzstan saparynan soń Qazaqstanǵa bardy, dep habarlaıdy Túrkııa Radıo Televızııa portaly.

«Ortalyq Azııaǵa kelý sebebim osy elderdiń sálemin kúlli álemge jetkizý. Bul elderge kelý men úshin erekshe sezim. Men únemi mynany aıtamyn: Bir túrik BUU Bas Assambleıasynyń tóraǵasy boldy. Bul ári Ázerbaıjan, Qazaqstan, Túrikmenstan, Ózbekstan, Qyrǵyzstannyń tóraǵalyǵy. Al Aýǵanstandaǵy sońǵy jaǵdaılar beıbitshilik pen turaqtylyqty qıyndastyrýda. Osy turǵydan atalmysh elderdiń kóp tájirıbesi bar. Osy kúrdeli jaǵdaıǵa ásirese Qazaqstannyń mańyzdy bir lıderlik kórsetetinine senimdimin», - deıdi BUU Bas Assambleıasynyń tóraǵasy Volkan Bozkyr.


Bizdiń kanalymyzǵa jazylyńyz:

#Qandastar   #BAQ   #Álem  
Bólisińiz:

Avtor:

Baqytjol Kákesh

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT