Álemde ınvestıtsııa aǵyny qaı deńgeıde tómendedi
2021 jylǵy 29 qarasha 13:18

Álemde ınvestıtsııa aǵyny qaı deńgeıde tómendedi

NUR-SULTAN. QazAqparat – Pandemııanyń shekteý is-sharalary jaǵdaıynda jahandyq tikeleı shetel ınvestıtsııalary aǵyndary 35%-ǵa tómendedi. Bul týraly QR Ulttyq ekonomıka vıtse-mınıstri Álisher Ábdiqadyrov aıtty, dep habarlaıdy QazAqparat tilshisi.

«Memleket basshysynyń tapsyrmalaryna, sondaı-aq 2025 jylǵy Ulttyq damý josparyna sáıkes, memlekettik organdar ınvestıtsııalar tartý boıynsha júıeli jumys júrgizýde. Sońǵy birneshe jyl ishinde jahandyq saıası jáne ekonomıkalyq klımattyń nasharlaýyna, sondaı-aq koronavırýs pandemııasyna baılanysty álemdik ekonomıka tikeleı sheteldik ınvestıtsııalar aǵyndarynyń (TShI) qysqarýyn baıqatyp otyr. 2020 jyly pandemııa jáne onymen baılanysty shekteý sharalary jaǵdaıynda jahandyq TShI aǵyndary 35%-ǵa tómendedi, bul sońǵy 30 jyldaǵy eń joǵary tómendeý. Quldyraý álemniń barlyq elderine áser etti», - dedi Á. Ábdiqadyrov Ortalyq kommýnıkatsııalar qyzmetinde.

Onyń aıtýynsha, Eýropanyń damyǵan elderine, Azııanyń damýshy elderine jáne ótpeli ekonomıkasy bar elderge TShI aǵyny 30-45%-ǵa, Soltústik Amerıkaǵa baǵyttalǵan tikeleı ınvestıtsııalar 20-35%-ǵa qysqardy.

«Sonymen qatar, damýshy elderde ındýstrııalandyrý men ekonomıkany qurylymdyq transformatsııalaýdy qoldaý úshin ınvestıtsııalar tartý jáne eksportty ulǵaıtý qajettiligi burynǵydan da qatty seziledi. Іs júzinde álemde júrgizilip jatqan barlyq jańa ónerkásiptik strategııalar aıtarlyqtaı dárejede ınvestıtsııalar tartýǵa táýeldi. Investıtsııaǵa suranys burynǵydan da joǵary bolyp qala beredi jáne usynystar azaıýda. Osyǵan baılanysty Investıtsııalar naryǵy kúrdelene túsedi jáne básekege qabiletti bolady», - dedi vıtse-mınıstr.


Avtor:
Tilshi

Jańalyqtar

MURAǴAT