+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Álem jurtshylyǵy koronavırýstan qaıtys bolǵandardy qalaı aza tutty

2020 jylǵy 13 shilde 19:40
Bólisińiz:
Álem jurtshylyǵy koronavırýstan qaıtys bolǵandardy qalaı aza tutty

NUR-SULTAN. QazAqparat - Alǵash ret Qytaıdyń Ýhan qalasynda tirkelgen COVID-19 ınfektsııasy búginde álemde jarty mıllıonnan astam adamnyń ómirin jalmady. Osyǵan oraı álemniń birqatar elinde koronavırýs indetinen qaza tapqandardy eske alýǵa arnalǵan qaraly jıyn ótti, dep habarlaıdy QazAqparat tilshisi.

Uqsas jańalyqtar
Frantsııada jastar arasynda indet juqtyrǵandar kóbeıdi

Qytaıda adamdardy qutqaryp qalý úshin óz ómirin qurban etken dárigerler men koronavırýstan qaza tapqan azamattardy jalpyulttyq aza tutý kúni 4 sáýirde ótti.


Qytaı turǵyndary jańa koronavırýstan qaza tapqandardy úsh mınýt únsizdikpen aza tutty. Aza tutý belgisi retinde dabyl qaǵylyp, avtomobılder, poıyzdar men kemeler gýdoktaryn qosty. Búkil elde tý tómen túsirilip, barlyq oıyn-saýyq jáne qoǵamdyq sharalarǵa tyıym salyndy. QHR-dyń vedomstvolyq, ulttyq BAQ jáne qytaı izdeý saıttary vırýstan qaza tapqandardy aza tutýǵa baılanysty qara-aq túspen bezendendirildi.

Qurlyqtyq Qytaıda koronavırýs juqtyrǵandardyń sany 85,5 myń adamnan asty.

Eýropada koronavırýs indetiniń taralýy Italııa men Ispanııada bastaldy.

31 naýryz kúni Italııada aza tutý belgisi retinde memlekettik ǵımarattarda, mektepter men mýnıtsıpalıtetterde tý tómen túsirildi. El qaza tapqandardy bir mınýt únsizdikpen eske aldy. Vatıkan da Italııa jurtshylymen birge ekendigin bildirip, sol kúni memlekettik týdy tómen túsirgen edi.


Koronavırýstyń taralýy eldiń soltústiginde, Lombardııa óńirinde 21 aqpan kúni tirkeldi. Sodan keıin vırýs búkil Italııaǵa tarap ketti. Іndet eń alǵash tirkelgen sátten beri bul elde 243 adamda koronavırýs tabylyp, 34,9 myń adam qaza tapty. Mamyr men maýsym aılarynda ótken Italııa men Germanııadaǵy fýtbol chempıonatynyń birneshe oıyny indetten qaza tapqandardy bir mınýt únsizdikpen eske alýdan bastaldy.

27 mamyrda Ispanııa da Covid-19 qurbandaryn bir mınýt únsizdikpen eske aldy. Búkil el turǵyndary 1 mınýtqa jumystaryn toqtatty. Birmınýttyq únsizdikten keıin elde 10 kúndik aza tutý jarııa etildi. 10 kún boıy úkimettik ǵımarattar men áskerı kemelerdegi tý tómen túsirildi.


Naýryz aıynan osy ýaqytqa deıin Ispanııada Covid-19-dan 28 myńnan astam adam kóz jumdy. Al indet juqtyrǵandar sany 300 myń adamnan asyp túsedi. Ótken aptadan bastap bul elde koronavırýs indetin juqtyrý jaǵdaılarynyń qaıta beleń alyp bara jatqandyǵy baıqalady. 16 shilde kúni Ispanııada koronavırýs pandemııasy saldarynan qaza tapqandardy eske alýǵa arnalǵan memlekettik shara ótedi.

28 sáýirde Ulybrıtanııa Covid-19-dan qaza tapqan medıtsına jáne áleýmettik qyzmetkerlerdi bir mınýttyq únsizdikpen eske aldy. Qazirgi ýaqytta elde vırýs juqtyrýdyń 290 myńǵa jýyq jaǵdaıy naqtylanǵan. Qaza tapqandardyń sany 44,8 myń adamnan asyp ketti. Jalpy, Ulybrıtanııa Eýropadaǵy indetten eń kóp adamynan aıyrylǵan el sanalady.

Shvetsııa Parlamenti 17 maýymda koronavırýs indetinen qaza tapqan 5,5 myń azamatyn eske alýǵa arnalǵan 15 mınýttyq shara ótkizdi. Shara birmınýttyq únsizdikpen aıaqtaldy.

Buǵan deıin 31 naýryzda Frantsııanyń Ulttyq assambleıasy koronavırýs indetinen qaza tapqandardy eske alǵan edi.

Qazaqstanda 13 shilde - Jalpyulttyq aza tutý kúninde 1 mınýttyq únsizdik ótti. Aqorda rezıdentsııasynyń aldynda Memleket basshysy Qasym-Jomart Toqaev koronavırýs indetinen qaza tapqan azamattardy qurmetpen bir mınýt eske aldy. Eske alý rásimine QR Memlekettik hatshysy Qyrymbek Kósherbaev, QR Prezıdenti Ákimshiliginiń basshysy Erlan Qoshanov, Qaýipsizdik Keńesiniń hatshysy Áset Isekeshev, Prezıdent Keńsesiniń bastyǵy Nurlan Onjanov, Densaýlyq saqtaý mınıstri Alekseı Tsoı qatysty.


Іndet qurbandaryn únsiz eske alý rásimi respýblıkanyń barlyq aımaǵynda ótti. Qurbandarǵa taǵzym sharasyn respýblıkalyq arnalar tikeleı efır arqyly kórsetti. Búkil elimizde memlekettik tý tómen túsirilip, telearnalar men radıolar efırden oıyn-saýyq baǵdarlamalaryn alyp tastady.

13 shildedegi derekterge sáıkes, Qazaqstanda koronavırýstan 375 adam qaza tapty.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT