+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Álem Qazaqstan halqymen birge aza tutýda: Brıýsseldegi dıpkorpýs «Arqankergen» shekara qosynyndaǵy qaıǵyly oqıǵaǵa baılanysty kóńil aıtty

2012 jylǵy 5 maýsym 19:55
Bólisińiz:
Álem Qazaqstan halqymen birge aza tutýda: Brıýsseldegi dıpkorpýs «Arqankergen» shekara qosynyndaǵy qaıǵyly oqıǵaǵa baılanysty kóńil aıtty

BRıÝSSELЬ. 5 maýsym. QazAqparat - Búgin ulttyq aza tutý kúninde Qazaqstannyń Belgııadaǵy Elshiliginde elde tirkelgen dıplomatııalyq korpýstyń ókilderi 14 shekarashy qaza tapqan «Arqankergen» qosynyndaǵy qaıǵyly oqıǵaǵa baılanysty kóńil aıtty.

Jarııalanǵan ulttyq aza tutý kúnine baılanysty Qazaqstannyń Belgııadaǵy Elshiliginde «Arqankergen» qosynynda qaza tapqan shekarashylardy únsizdik mınýtymen eske aldy. QR Memlekettik Týy tómen túsirildi. Qaıǵyǵa ortaqtasýǵa kelgender arnaıy ashylǵan kóńil aıtý kitabyn toltyrdy.

Qazaqstannyń Belgııa jáne Lıýksembýrgtaǵy Tótenshe jáne Ókiletti Elshisi, EýroOdaq jáne NATO janyndaǵy mıssııanyń basshysy Erik Ótembaevtyń aıtýynsha, «búgin Elshilikte kóńil aıtý kitaby ashyldy. EýroOdaq pen NATO janynda tirkelgen Belgııa men Lıýksembýrgtegi dıplomattar qaıǵyryp, kóńil aıtady. Bul kúni barlyǵy qazaqstandyq halyqqa tilektestigin bildirýde».

Tájikstannyń Belgııadaǵy Tótenshe jáne Ókiletti Elshisi, EO jáne NATO janyndaǵy mıssııanyń basshysy Rýstamjon Solıev te kóńil aıtty: «Bolǵan oqıǵaǵa baılanysty kóńil aıtqym keledi. Bul barlyq týysqandar men jaqyndar úshin qaıǵyly oqıǵa. Biz úshin Qazaqstan - aǵaıyndy el. Bul bizdiń baýyrlas, dostas qazaq halqy. Men jaqyn ýaqytta bul varvarlyq qylmystyń barlyq jaǵdaılarynyń ashylatynyna senimdimin. Shekarada qyzmetterin adal atqarǵan bul jas azamattardyń otbasylary men jaqyndaryna taǵy bir kóńil aıtamyn».

Ýkraınanyń Belgııadaǵy Elshiliginiń keńesshi Elshisi ıAn Omelchenko: «Qazaqstandyq halyqqa Ýkraına Elshiliginiń atynan kóńil aıtyp, shekarada bolǵan qaıǵyly oqıǵalarǵa baılanysty ortaqtasyp qaıǵyramyz» dedi.

Buǵan deıin habarlaǵanymyzdaı, 30 mamyrda QR UQK shekara qyzmetiniń "Shyǵys" óńirlik basqarmasy Úsharal shekara otrıady "Sary bókter" zastavasynyń narıady taýda jazǵy ýaqytta qyzmet atqaratyn "Arqankergen" shekara qosynynyń ústinen shyqqan. Onda janyp ketken 14 shekarashy men bir qoryqshynyń múrdesi tabylǵan bolatyn.

15 adam - 14 shekarashy men bir qoryqshy qaza tapqan lańkestik áreket mamyrdyń 27-nen 28-ne qaraǵan túni boldy. «Sary bókter» zastavasynyń «Arqankergen» shekara qosyny taýda, aýdan ortalyǵy - Almaty oblysynyń Úsharal qalasynan 220 shaqyrym jerde ornalasqan.

Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT