+7 (701) 759 90 19
USD 409.98 EUR 462.21
RUB 5.75 CNY 58.43
Jańalyqtar

Álem elderinde násilshildikke qarsy sherýler jalǵasýda - VVS

2020 jylǵy 7 maýsym 13:30
Bólisińiz:
Álem elderinde násilshildikke qarsy sherýler jalǵasýda - VVS

LONDON. QazAqparat – AQSh-ta Djordj Floıd esimdi afroamerıkalyq qaza bolǵannan keıin álemniń túrli elderinde narazylyq sherýleri bastaldy. Senbi kúni Eýropa men Amerıka qalalarynda myńdaǵan belsendi kóshege shyqty, dep habarlaıdy QazAqparat VVS-ge silteme jasap.

Brıtanııada demonstratsııalar London, Manchester, Kardıffe men ózge de qalalarda ótti. Londonda demonstranttar tize búgip: «Ádildik joq, beıbitshilik joq!» dep aıǵaılaýda.

Koronavırýs juqtyrý qaýpine baılanysty úkimet halyqqa top bolyp jınalmaýǵa keńes berdi. Biraq adamdar buǵan qaramastan, demonstratsııalarǵa shyǵyp jatyr.

Sherýlerdiń barlyǵy derlik beıbit ótti. Alaıda, keshke Daýnıng-Strıttegi premer-mınıstr rezıdentsııasynyń janynda narazylyqqa qatysýshylar men polıtsııanyń arasynda qaqtyǵystar boldy. Sońǵy málimetter boıynsha, aktsııalar kezinde kem degende 23 polıtsııa qyzmetkeri japa shekken.

Narazylyq bildirýshiler bıliktiń buqaralyq sharalarǵa jınalmaý týraly ótinishin elemedi.

Londonda demonstranttardyń kóbi maska men qolǵap kıip shyqty. Keıbireýler «COVID-19-dan da jaman vırýs bar, ol – násilshildik» degen jazýy bar plakattar kóterip júrdi.

Soltústik Irlandııada polıtsııa kóptegen adamǵa aıyppul saldy. Sebebi halyqtyń toptasyp jınalýyna áli de tyıym salynǵan.

Vashıngtonda da myńdaǵan adam násilshildik pen polıtsııanyń zorlyq-zombylyǵyna narazylyq bildirip, taǵy da kóshege shyqty. Demonstratsııalar Kapıtolıı tóbeshiginde jáne Aqúıdiń janynda ótti. AQSh-taǵy aktsııalar 12 kúnnen beri jalǵasyp jatyr.

Senbide Kanadanyń Toronto qalasynda birneshe myń adam kóshege shyqty. Jergilikti polıtsııa barlyq demonstratsııalar beıbit túrde ótip jatyr dep habarlady. Sherýge qatysýshylar «Ádildik joq, beıbitshilik joq» degen transparanttar jazyp alǵan.

Frantsııadaǵy násilshildik pen polıtsııanyń zorlyq-zombylyǵyna qarsy aktsııalarǵa 20 myńnan astam demonstrant qatysty. Lıll qalasynyń polıtsııasy senbide narazylyq bildirýshilerdi toqtatý úshin kózden jas aǵyzatyn gazdy qoldanǵan.

Germanııa astanasy Berlınde násilshildikke qarsy sherýge 15 myńǵa jýyq adam qatysqan.

Jergilikti BAQ-tyń habarlaýynsha, Aleksanderplatstyń ortalyq alańyndaǵy «Únsiz narazylyq» aktsııasy beıbit jáne polıtsııamen esh qaqtyǵyssyz ótti. Aktsııaǵa kópshiligi qara tústi kıinip, asfaltta 8 mınýt 46 sekýnd únsiz otyrdy. Dál osynsha ýaqyt boıy polıtsııa qyzmetkeri qaza bolǵan afroamerıkalyq Djordj Floıdqa tunshyqtyrý ádisin qoldanǵan edi.

Berlındegi sherý beıbit ótti. Biraq qashyqtyqty saqtaý talaby saqtalmady.

Álem boıynsha narazylyq ınternette polıtseı tunshyqtyrǵan Djordj Floıdtyń Mınneapolıste qamaýǵa alynǵany kórsetilgen vıdeojazba jarııalanǵannan keıin bastaldy.

Floıd qarýsyz bolǵan. Polıtseı ony jerge jatqyzyp, tizesimen moınynan toǵyz mınýt basyp turǵan.

Polıtsııa qyzmetkerine kisi óltirdi degen, al onyń úsh áriptesi bul oqıǵaǵa qatysy bar dep aıyptaldy.


Bizdiń kanalymyzǵa jazylyńyz:

#Álem  
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT