+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

Álem elderinde qaýipti indet qaıta kúsheıdi - sholý

2020 jylǵy 11 qazan 12:47
Bólisińiz:
Álem elderinde qaýipti indet qaıta kúsheıdi - sholý

NUR-SULTAN. QazAqparat - Álem elderinde COVID-19 ınfektsııasynyń qaıtadan órshýiniń sebebinen karantındik sharalar kúsheıtilip jatyr. Tipti tótenshe jaǵdaı jarııalǵan qala bar. Óıtkeni, kún saıyn aýrýǵa shaldyqqandar sany ósip barady. Ólim-jitim derekteri de kóp. Koronavırýs ınfektsııasyn juqtyrǵan balalar sany da artyp keledi, dep habarlaıdy QazAqparat.

Uqsas jańalyqtar
Qazaqstanǵa áýe reısimen kelgen úsh jolaýshydan koronavırýs ınfektsııasy anyqtaldy Almaty oblystyq sotynyń 8 mamany koronavırýs juqtyrdy Koronavırýs: Qazaqstannyń 6 oblysy men 1 qalasy «qyzyl» aımaqta tur

Qaıta kúsh alǵan indetke baılanysty álem elderi qaýipsizdik qamyna kirisip, ınfektsııanyń taralýyn toqtatý úshin naqty sharalar qabyldap jatyr. Koronavırýs indetiniń qaıta órshı bastaǵanynan úreılengen memleketter ınfektsııanyń taralýyn toqtatý úshin shekteý sharalaryn qaıta kúsheıtýge kirisip ketti. Máselen, Frantsııa epıdemıologııalyq qaýipti aımaǵyn keńeıtti. Qyzyl deńgeıli aýmaqqa birden 4 qala qosyldy. Al Shotlandııa jerinde barlar men meıramhanalar jabylatyn boldy. Anyqtalǵandaı, atalǵan mekemeler keminde eki aptaǵa qyzmetin toqtady eken. Osy ýaqyt aralyǵynda turǵyndar úshin tamaqty ózimen birge alyp ketý qyzmeti ǵana jumys isteıdi. Rýmynııa astanasy Býharestte de karantın rejımi kúsheıdi. Jergilikti bılik qaladaǵy kafe-barlar, kınoteatr men teatrlardyń jumysyn toqtatý týraly sheshim shyǵardy. Óıtkeni ınfektsııaǵa shaldyǵý derekteri kóbeıip ketken. Jańadan tirkelgen naýqastardyń úshten bir bóligi Býharestten anyqtalady eken. Argentınada da koronavırýs juqtyrý derekteri kóńil kónshitpeı tur. Elde nebári bir táýlik ishinde 515 adam vırýs qurbany bolǵan. Sondyqtan eldiń 18 óńirinde lokdaýn rejımi engizilmek. Bul týraly Argentına prezıdenti Alberto Fernandes málimdedi. Onyń aıtýynsha, lokdaýn rejımi 25 qazanǵa deıin jalǵasady. Osy ýaqyt aralyǵynda turǵyndardyń júrip-turýyna shekteý qoıylmaq. Aıta keteıik, búginge deıin Argentınada 870 myńnan astam azamattan qaterli ınfektsııa tabyldy. 23 myńnan astam adam qaıtys boldy.

Al koronavırýs juqtyrý jaǵynan álemde birinshi orynda turǵan Amerıkadaǵy jaǵdaı odan ármen ýshyǵyp barady. Sońǵy málimet boıynsha eldiń 30 shtatynda vırýs juqtyrý deregi qaıtadan kúrt ósken. Keı shtattarda tipti indet bastalǵaly beri bolmaǵan naýqastar sany tirkelip jatyr. Sońǵy táýlikte elde 60 myńdaı adamnan anyqtalyp, eldegi vırýs juqtyrýdyń jalpy sany 7 mıllıon 700 myńǵa taıady. Al ólim-jitim derekteri shamamen bir myńǵa artyp, ınfektsııa qurbandarynyń qatary 214 myńǵa jýyqtaǵan.


Koronavırýs indettiniń dendeýine baılanysty Ispanııanyń astanasy Madrıdte tótenshe jaǵdaı rejımi engizildi. Qala basshylyǵy qarsy bolǵanymen, bul sheshim úkimet májilisinde qabyldandy. Jarlyqqa saı qala basshylyǵy densaýlyq saqtaý mınıstrliginiń qaýlylaryn oryndaýǵa mindetteldi. Jaqynda Madrıd qalasynyń Joǵarǵy soty karantın shekteýlerin zańsyz dep tanyǵan bolatyn. Sot úkimi boıynsha bul sharalar shahar turǵyndarynyń erki men quqyǵyn buzady. Jalpy shekteýler qabyldanǵan qala aýdandarynda bes mıllıondaı adam turady. Polıtsııa onda baqylaý beketterin ornatyp, qalanyń ózge aýmaǵynan bólip tastady. Tek jumysqa baratyndar ǵana júre alady.

Belgııada koronavırýsty juqtyrǵandar sanynyń artýyna baılanysty jańa shekteý sharalary engizildi. Sońǵy táýlikte onda antırekord tirkelgen edi. Bir kúnde test tapsyrǵan 5 700 adamnan kovıd-19 anyqtalǵan. Bul pandemııa bastalǵaly eń joǵarǵy statıstıka. Kúndelikti aýrýhanaǵa keminde 100 naýqas kelip túsýde. Sondyqtan da bılik ókilderi Brıýsseldegi barlyq meıramhana, barlar, saltanat saraılaryn bir aıǵa japty. Qoǵamdyq oryndarda ishimdik ishýge tyıym salyndy. Azyq-túlik dúkenderi tek keshki saǵat 22:00-ge deıin jumys isteıdi. Osy qatań erejelerdi buzǵandarǵa 250 eýro aıyppul salynady. Qazir Belgııa kompanııalaryna qyzmetkerlerdiń basym bóligin qashyqtan jumys isteýge kóshirý usynyldy. Sondaı-aq árbir turǵynǵa otbasynan bólek úsh adammen ǵana sóılesýge ruqsat berildi. Qonaqqa tek tórt adamdy ǵana shaqyrýǵa bolady. Mektepter men joǵarǵy oqý oryndary ázirge jumys istep tur. Degenmen, onda araqashyqtyqty saqtap, barlyq synyptarda betperdemen otyrý talaby qoıylǵan.

Al, Iordanııa bıligi koronavırýstyń taralýyna jol bermeý úshin demalys kúnderi shekteý sharalaryn kúsheıtti. Demalysta turǵyndardyń syrtqa shyǵýlaryna tolyq tyıym saldy. Kóshede tek medıtsınalyq qyzmetkerler men epıdemıologııalyq zertteý júrgizýshi toptarǵa ǵana júrýge ruqsat. Polıtseıler komendanttyq saǵatta tártiptiń saqtalýyn qatań qadaǵalaıdy. Mektepterde sabaq jumadan bastap belgisiz ýaqytqa toqtatyldy. Stýdentter qashyqtan oqýǵa kóshirildi. Iordanııada koronavırýsty juqtyrǵandar sany kún sanap artyp, 22 myńǵa jýyqtaǵan. 144 naýqas kóz jumypty. Epıdemıolog mamandar shekteý sharalarynyń qatańdatyoýy óte oryndy degen pikirde.

Qaýipti vırýsty juqtyrý jaǵynan álem elderi boıynsha onynshy turǵan Frantsııada da jaǵdaı onsha emes, dep habarlaıdy «Habar 24». Eldegi densaýlyq saqtaý mınıstrligi sońǵy 24 saǵatta 27 myń turǵynnan qaýipti vırýs anyqtalǵanyn habarlady. Sońǵy bir aptanyń ózinde 5 myń naýqastyń aýrýhanaǵa jatqyzylǵany málim boldy. Onyń myńǵa jýyǵynyń jaǵdaıy aýyr. Jalpy búginge deıin Frantsııada 718 myń 873 derek tirkelgen. 32 myń 637 naýqastyń qaıtys bolǵany habarlandy. Frantsýzdar Eýropa elderi arasynda Reseı men Ispanııadan keıingi qaýipti indetti juqtyrý boıynsha aldyńǵy orynda tur.

Jurt COVID-19 vırýsynyń oshaǵy dep tanıtyn Qytaıda sońǵy bir táýlikte 54 adamnan qaýipti indet ınfektsııasy anyqtalypty. Bul týraly Qytaıdyń memlekettik densaýlyq saqtaý komıteti habarlady. Aqparatqa sáıkes, naýqastardyń barlyǵy aýrýdy shetelden juqtyryp kelgen.


Álem elderinde de koronavırýs ınfektsııasyn juqtyrǵan balalar sany da artyp keledi, dep habarlaıdy «Habar 24». Máselen, Reseıde sońǵy eki aptada dám-ıis sezý múmkindiginen aıyrylyp, dene qyzýy kóterilgen 18 jasqa deıingi naqýastar qatary kóbeıgen. AQSh-tyń bir ǵana Allegeını qalasynda qyrkúıek aıynan beri 300 bala koronavırýs juqtyrǵan. Mundaı jaǵdaı Brazılııa elinde de tirkelipti. Reseıde sońǵy 10 kúnde koronavırýs juqtyrǵan balalar sany kóbeıipı ketken. Bul týraly Ulttyq medıtsınalyq zertteý ortalyǵy balalar densaýlyǵy basqarmysynyń basshysy, professor Andreı Fısenko málimdedi. Onyń aıtýynsha 18 jasqa deıingi naýqastardyń aýrýy jeńil formada ótip jatyr. Degenmen, ata-analarǵa balalarymen qoǵamdyq oryndarǵa barmaýǵa, betperde kıip, qoldaryn jıi jýýǵa keńes berildi. Naýqastardyń dene qyzýy kóterilip, jótel paıda bolǵan. Dám-ıis sezbeý sımptomdary jıi kezdesedi. Bul – epıdemııanyń órship bara jatqanyn bildiredi.

Bul Reseı ǵana emes, álemniń birqatar elinde bolyp jatqan jaǵdaı. Máselen, AQSh-tyń Allageını qalasynda qyrkúıek aıynda 300 bala vırýs juqtyrǵan. Naýqastar arasynda aýyr halge túskeni joq. Degenmen, balanyń vırýs tasymaldaýshy ekenin esten shyǵarmaý kerek. Koronavırýs anyqtalǵan 14 jastaǵy bir jetkinshek úsh apta ishinde 27 adamǵa aýrý taratyp úlgergen. Sondaı-aq Brazalııa, Ońtústik Amerıka men Karıb basseıni elderinde vırýs juqtyrǵan balalar men jetkinshekter sany jarty mıllıonnan asyp jyǵyldy. Bul alańdatatyn jaıt. Sondaı-aq osy kúnge deıin indetpen tıimdi kúres júrgizip jatqan ıAmaıka men Kýbadaǵa derekter sany da artyp barady. Osylaısha, balalar arasynda keseldiń dendeýinen jańa oqý jyly keıinge qaldyrylyp jatyr. Bostonda qazan aıynda ashylýy tıis mektepter ázirge oqýshylardy qabyldamaıtyn boldy.


Shotlandııada pab pen meıramhana ıeleri sherýge shyǵyp, parlament ǵımaraty aldyna muz tókti, dep habarlaıdy «Habar 24». Osylaısha, olar bılik ókilderiniń kafe-barlardy jabý týraly sheshimine qarsy narazylyq bildirdi. Aıta keteıik, jýyrda búkil el boıynsha atalǵan sanattaǵy mekemelerdiń bári eki aptaǵa qyzmetin toqtatqan bolatyn. Alaıda bar ıeleri bul merzim odan da uzaq ýaqytqa sozylyp kete me dep alańdaıdy. Aıta keteıik, Shotlandııa úkimetin mundaı qadamǵa koronavırýstyń taralýyn toqtatý úshin baryp otyr.

Álimhan Qanatuly


Bizdiń kanalymyzǵa jazylyńyz:

Bólisińiz:

Avtor:

Álimhan Qanatuly

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT