+7 (701) 759 90 19
USD 387.16 EUR 428.47
RUB 6.08 CNY 55.13
Jańalyqtar

Álem elderi avtokólik qozǵalysyna shekteý qoıyp jatyr – VVS

2019 jylǵy 18 qazan 03:09
Bólisińiz:
Álem elderi avtokólik qozǵalysyna shekteý qoıyp jatyr – VVS

NUR-SULTAN. QazAqparat - Álem boıynsha keıbir qalalar avtokólik qozǵalysyn shektegen. Mysaly, Venetsııada kólik júrmeıdi, al Ispanııanyń Madrıd qalasynda, Norvegııanyń Oslo qalasynda kólik qozǵalysyn azaıtý jospary qolǵa alynbaq, dep jazady VVS.

«Kóshede balalar erkin oınap, týrıster aǵylyp jatqanyn, esh jerde kólik, mototsıkl, avtobýs júrmeıtinin elestetip kórińizshi. Venetsııadaǵy jaǵdaı osyndaı. Sońǵy júz jylda avtokólik sany kúrt artqandyqtan, mundaı tynyshtyqty elestetýdiń ózi qıynǵa soǵady. Kólik quraldary mobıldilikte revolıýtsııa jasaǵanymen, jol-kólik apatynan qaza taqandar sany men aýanyń lastaný kórsetkishin arttyrdy», dep jazady basylym.

Avtordyń aıtýynsha, sońǵy jyldary Norvegııanyń Oslo, Ispanııa astanasy Madrıd qalalarynyń ortalyǵynda avtokólik qozǵalysyna tyıym salý jospary qolǵa alynǵan.

Maqalada osy taqyrypta birneshe kitap jazǵan Hanna Markýssen kóshelerdi adamdarǵa qaıtaryp berý kerek degen pikirin bildirgen. Onyń sózinshe, munyń ekologııalyq aspektileri de bar. Bıliktiń jergilikti organdary sońǵy onjyldyqta aýa sapasynyń tómendegenin aıtqan. Al kólikterge tyıym salý osy ǵana emes, basqa da problemalardy sheshýge septese alady.

«Avtokóliksiz qalalar týraly álemdik sarapshy Dj.H. Kroýford ta avtokólikter qoǵamǵa úlken qaýip tóndiretinin, sonymen qatar áleýmettik keńistikti azaıtatynyn aıtqan. Onyń oıynsha, avtokólikterden bas tartý problemadan qutylýǵa kómektesedi», delingen maqalada.

Avtor «Avtokóliksiz qala qurý josparyn júzege asyrý múmkin be?» degen suraqqa jaýap izdeıdi.

«Qalalarda kólik qozǵalysyn shektesek, avarııalyq qyzmetter ne istemek? Ózderi qozǵala almaıtyn adamdar she? Manchester ýnıversıtetiniń qalany jobalaý ınstıtýtynyń zertteýshileriniń aıtýynsha, kólikter legin azaıtý ekologııaǵa paıdaly bolǵanymen, qoǵamnyń ómirin kólik quraldarynsyz elestetý múmkin emes», dep jazady ol.

Bizdiń kanalymyzǵa jazylyńyz:

Basty sózder: Álem,
Bólisińiz:

Avtor:

Aıkúmis Bolatbek

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT