Álem chempıonatynyń fınalynda Alýa Balqybekova rıng ıesimen jekpe-jekke shyǵady
2022 jylǵy 19 mamyr 18:38

Álem chempıonatynyń fınalynda Alýa Balqybekova rıng ıesimen jekpe-jekke shyǵady

YSTANBUL. QazAqparat – Qazaqstandyq Alýa Balqybekova Túrkııanyń Ystanbul qalasynda ótip jatqan álem chempıonaty fınalynda jekpe-jek ótkizedi, dep habarlaıdy QazAqparat tilshisi.

Qazaqstandyq boksshy Alýa Balqybekova (48 keli) túrkııalyq Aıshe Chagırırmen qolǵap túıistiredi.

Atalǵan jekpe-jek álem chempıonaty fınaldyq oıyndarynyń alǵashqysy bolady.

Jekpe-jek elorda ýaqytymen 21:00-de bastalyp, Qazsport telearnasynan tikeleı efırde kórsetiledi.

Eske salsaq, jartylaı fınalda qarsylastaryna jol bergen Jaına Shekerbekova (52 keli), Dına Jolaman (54 keli), Karına Ibragımova (57 keli) jáne Valentına Halzova (70 keli) qola júldeni qanaǵat tutty.

Al Gúlsaıa Erjan (81 keli) shırek fınaldaǵy jekpe-jeginde qarsylasyna ese jiberip, jartylaı fınal joldamasynan tys qaldy.

Sondaı-aq odan buryn Nazym Qyzaıbaı (50 keli), Rımma Volosenko (60 keli), Aıda Ábikeeva (63 keli), Darıǵa Shákimova (66 keli), Nadejda Rıabets (75 keli) jáne Lázzat Kúngeıbaeva (81 keliden joǵary) jarys jolynan shyqqan edi.

Atalǵan týrnır 1974 jyldan beri turaqty túrde uıymdastyrylyp keledi.

Qazaqstan quramasy qazirge deıin barlyǵy 51 medal enshiledi. Onyń 14-i altyn, 15-i kúmis, 22-i qola.


Jańalyqtar

MURAǴAT