Alekseı Kalaıchıdı qylmystyq is qujattarynyń jelide taralýyna qatysty pikir bildirdi

NUR-SULTAN. QazAqparat – Іshki ister mınıstriniń orynbasary Alekseı Kalaıchıdı qylmystyq is qujattaryn ınternetke taratqan ShQO polıtseılerge qatysty pikir bildirdi, dep habarlaıdy QazAqparat tilshisi.

Uqsas jańalyqtar

Graffıtı jazbalar arqyly esirtki jarnamalaýshy kúdiktiler ustaldy – QR ІІM

Vıtse-mınıstr Shymkentte bas dárigerdiń ustalýyna pikir bildirdi

«Polıtsııa qyzmetkeri tergeý málimetterine qatysty mundaı kemshilik jibergen kezde sózsiz jumysta bosatylady. Eń kem degende - jumystan shyǵarylady. Sonymen birge, olardyń áreketteri qylmystyq isti tergeý aıasynda qaralady. Olardyń áreketterinde qylmystyq quram bolmasa, tártiptik jaza sharalary qabyldanady. Eger qylmystyq quramnyń bary anyqtalsa, onda jumystan shyǵarylady», - dedi Alekseı Kalaıchıdı ІІM-de tilshilerdiń suraǵyna bergen jaýabynda.

Onyń aıtýynsha, Shemonaıhadaǵy jaǵdaı boıynsha aqparattyń syrtqa shyǵyp ketýine jas polıtseıler kináli.

«Ókinishke qaraı, bul jastardyń isi. Mundaı jaǵdaı buryn Qaraǵandyda da tirkelgen. Jas tártip saqshylary telefondy durys paıdalanbaýy múmkin. Olar óıtkeni jas. (...) Ol istiń saldaryn esepke almaı, mıkrofonǵa birdeńe dep qalýy yqtımal. Bireýdi qorlaý pıǵyly bolmaǵan. Dese de, zań buzylyp jatqannan keıin biz tıisti shara qabyldaımyz», - dedi Alekseı Kalaıchıdı.

Eske sala ketsek, ShQO Polıtsııa departamentiniń buıryǵymen ınternetke qyzmettik qujatty taratyp jibergen Shemonaıha aýdanynyń tártip saqshylary qatań sógis alǵan bolatyn.

«16 laýazymdy tulǵa, onyń ishinde ІІB bastyǵy da qatań sógis aldy. «Jasóspirimdi zorlaý» jáne «Ózine qol jumsaý» baptary boıynsha bastalǵan qylmystyq isterdi qatań baqylaýyma aldym», - deıdi ShQO polıtsııa departamentiniń bastyǵy, general-maıor J. Baqtybaev.

Aıta ketsek, buǵan deıin Shyǵys Qazaqstan oblysynda 7 jasar qyzdy zorlaǵan jigit asylyp ólgeni habarlanǵan edi. Máıitti Shemonaıha polıtsııa bóliminiń jedel qyzmetkerleri tapty. Buǵan deıin bir áıel ózimen birge turatyn jigit 2012 jyly týǵan qyzynyń dármensiz kúıin paıdalanyp, onymen jynystyq qatynasqa túsip, sodan keıin qashyp ketkenin aıtyp, shaǵymdanǵan. Azǵyn oıyn iske asyrǵan adam ol kezde mas bolǵan.