Alekseı Tsoı Pfizer vaktsınasynyń baǵasyna qatysty pikir bildirdi
2021 jylǵy 23 qarasha 15:19

Alekseı Tsoı Pfizer vaktsınasynyń baǵasyna qatysty pikir bildirdi

NUR-SULTAN. QazAqparat – Elimizdiń Densaýlyq saqtaý mınıstri Alekseı Tsoı Pfizer vaktsınasynyń baǵasy týraly túsinikteme berdi, dep habarlaıdy QazAqparat tilshisi.

«Baǵa tek Pfizer vaktsınasyna qatysty, al qalǵan vaktsınalardy azamattar tegin ala alady. Atalǵan ekpeni kommertsııalyq kompanııa satyp alyp, ishki naryqta usynady. Ádette shara osylaı júzege asady. Mysaly, tumaýǵa qarsy ekpeni memlekettik medıtsınalyq uıymdardan da, jeke medıtsınalyq uıymnan da alýǵa bolady. Bul da sol sekildi. Jalpy vaktsınany jetkizý men ony saqtaý úlken jaýapkershilikti talap etedi jáne ońaı sharýa emes. Jiti baqylaý qajet. Pfizer vaktsınasynyń baǵasyna kelsek, basqa eldermen salystyrǵanda joǵary bolmaıdy, qoljetimdi baǵa bolady», - dedi A. Tsoı Úkimet úıinde tilshilerdiń suraǵyna jaýap bere tura.

Buǵan deıin mınıstr elimizde Pfizer vaktsınasyn alyp jatqan júkti áıelder, emizýli analar men jasóspirimderdiń jaǵdaıy týraly aıtyp bergen edi.

Sondaı-aq, vedomstvo basshysy Pfizer ekpesin alǵan jasóspirimderge vaktsına pasporty berile me degen saýalǵa jaýap berdi.

Jáne de Qazaqstanda «Spýtnık Laıt» reseılik vaktsınasyn óndirý múmkindigi týraly aıtyldy.

Odan bólek, A. Tsoı elimizde jańajyldyq korporatıv ótkizýge qatysty túsinikteme berip ótti.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT