+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Alekseı Tsoı Almatydaǵy Jedel medıtsınalyq qyzmettiń jańa avtoparkimen tanysty

2020 jylǵy 20 qyrkúıek 01:00
Bólisińiz:
Alekseı Tsoı Almatydaǵy Jedel medıtsınalyq qyzmettiń jańa avtoparkimen tanysty

NUR-SULTAN. QazAqparat - QR Densaýlyq saqtaý mınıstri Alekseı Tsoı Almatyǵa 2 kúndik jumys sapary barysynda qaladaǵy Jedel medıtsınalyq qyzmet ujymymen kezdesip, atalǵan mekemeniń jańa avtoparkimen tanysty, dep habarlaıdy atalǵan vedomstvonyń baspasóz qyzmeti.

Uqsas jańalyqtar
Almaty oblysynda medıtsınalyq buıymdardy shyǵaratyn jańa zaýyt ashylady Almaty shetindegi shaǵynaýdanda jańa medıtsınalyq ortalyq ashyldy Shalǵaıdaǵy aýdandyq aýrýhanaǵa ortalyqtandyrylǵan ottegi júıesi ornatyldy - Mańǵystaý

Almaty shahary COVID-19, tumaý, ókpeniń qabynýyna shaldyqqan naýqastar úshin jedel medıtsınalyq járdem qyzmetiniń algorıtimin jetildirgen alǵashqy qala. Budan bylaı atalǵan sanattaǵy naýqastardy medıtsınalyq járdem ǵana jatqyzady. Naýqastarǵa júıeli qyzmet jasaýdyń tsıfrlyq mehanızmderi engizilgen.

Qoǵamdyq densaýlyq saqtaý basqarmasynyń basshysy Kamaljan Nadyrov medıtsınalyq qyzmettiń sapasyn arttyrý baǵytynda atqarylyp jatqan jumystar týraly jáne COVID-19-dyń ekinshi tolqynyna daıyndyq barysyn baıandap berdi.

«Qalanyń jedel medıtsınalyq járdem qyzmeti kúzgi jáne qysqy maýsymǵa tas-túıin daıyn. Bizdiń múmkinshiligimiz óte joǵary. Táýligine 9000 habarlama boıynsha jumys isteýge jáne 500 naýqasty tıisti emhanaǵa jatqyzýǵa qaýqarlymyz»,- dedi K. Nadyrov.

Mınıstrdiń jumys sapary barysynda qajetti jabdyqtarmen qamtylǵan medıtsınalyq járdem qyzmetiniń 35 kóligi tanystyryldy. Arnaıy kólikti satyp alýǵa jergilikti bıýdjetten 1,4 mlrd teńge bólingen. «Hyundai H350» V jáne S sanatyndaǵy medıtsınalyq járdem mashınalary zaman talabyna saı jasalǵan. Elektrlik (Accuvac pro), ókpendi jasandy jeldetetin (Medumat), Sorpuls1, defıbrıllıatorlary, «Kardıometr-MT», avtomattandyrylǵan jabdyqtary, KI-5 ottegi ıngalıatory, júrek soǵysyn baqylaıtyn «Nebýlaızer» qurylǵysymen qamtylǵan.

Qazirgi tańda medıtsınalyq jedel járdem qyzmetiniń júktemesi tómendedi. Іndet órshigen kezde jaǵdaı kúrdeli boldy. Táýligine 8000 habarlama boıynsha jumys istedi. Árbir ekinshi brıgada naýqastardyń úıine baryp qyzmet kórsetti.

Shilde aıynyń basynda Jedel medıtsınalyq qyzmetke kelip túsken habarlamalardyń 50 paıyzy koronavırýs kúdigimen baılanysty boldy. Qazirgi tańda tumaý, ókpeniń qabynýy jáne koronavırýs boıynsha kelip túsetin habarlamalar 9 paıyzǵa azaıdy.

Jedel medıtsınalyq qyzmette qazirgi tańda 3000 maman eseli eńbek etýde nemese 180 brıgada halyqqa qyzmet kórsetip jatyr. Olardyń qatarynda 365 dáriger, 1 388 feldsherler bar.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT