Aleksandr Gerlıts shańǵy jarysynan Paralımpıada oıyndarynyń fınalyna shyqty
2022 jylǵy 9 naýryz 11:17

Aleksandr Gerlıts shańǵy jarysynan Paralımpıada oıyndarynyń fınalyna shyqty

BEIJІŃ. QazAqparat - Qazaqstandyq Aleksandr Gerlıts shańǵymen turyp jarysýdan Paralımpıada oıyndarynyń fınalyna shyqty. Ol sársenbi kúni Chjantszıakoý qalasyndaǵy shańǵy sporty ulttyq ortalyǵynda ótken jartylaı fınalda ekinshi keldi, dep habarlaıdy QazAqparat tilshisi.

Qazaqstandyq sportshy jartylaı fınalda 3 mınýt 26,3 sekýnd kórsetkishpen ekinshi boldy. Onymen qatar qytaılyq shańǵyshy Tsaı Djýn men nemis M.Maıer de fınalǵa shyqty.

Sársenbi kúni (Nur-Sultan ýaqytymen 12:13) ótetin aqtyq synda Aleksandr Gerlıts shańǵy jarysynyń favorıtteri – Qytaı, Ýkraına, Frantsııa jáne Germanııa sportshylarymen jeńis tuǵyryndaǵy oryndar úshin talasady.

Esterińizge sala keteıik, keshe Qazaqstan 2022 jylǵy Paralımpıada oıyndarynyń alǵashqy medalin jeńip aldy: Aleksandr Gerlıts parabıatlonda qola júldeger atandy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT