Aleksandr Býblık Rolan Garros týrnıriniń ekinshi aınalymyna shyqty
2022 jylǵy 25 mamyr 19:12

Aleksandr Býblık Rolan Garros týrnıriniń ekinshi aınalymyna shyqty

NUR-SULTAN. QazAqparat - Qazaqstandyq Aleksandr Býblık juptyq synda Rolan Garros týrnıriniń ekinshi aınalymyna shyqty, dep habarlaıdy QazAqparat tilshisi.

Qazaqstandyq tennısshi aýstralııalyq Tanası Kokkınakıspen birge bastapqy kezdesýin amerıkalyq Natanıel Lammons - polıak Kamıl Maıhshakpen ótkizdi.

Qazaqstandyq-aýstralııalyq jup birinshi partııada breık jasap, sol basymdylyqty saqtady - 7:5.

Ekinshi sette de taǵy bir breıkpen matchty aıaqtaıtyndaı múmkindikteri boldy. Degenmen qarsylastary tarazy basyn teńestirdi. Taı-breıkte Býblık pen Kokkınakıs jeńisti julyp aldy - 7:6 (7:5).

Saǵat jarym ýaqytqa sozylǵan matchta Býblık pen Kokkınakıs 11 eıs jasady.

Endi olar ekinshi aınalymda ıtalııalyqtar Sımone Bolellı - Fabıo Fonını nemese majarstandyq Marton Fýchovıch - amerıkalyq Frensıs Tıafo juptarynyń qaı jeńgenimen kezdesedi.

Taǵy bir qazaqstandyq Aleksandr Nedovesov juptyq synda pákstandyq Aısam Kýreshımen birge tartysty ótken básekede amerıkalyqtar Makkenzı Makdonald - Tommı Polǵa ese jiberdi - 6:3, 2:6, 3:6.

Eske sala keteıik, budan buryn qazaqstandyq tennısshilerdiń Rolan Garros týrnırinde bastapqy kezdesýlerin sátti ótkizgenin, 13 jasar Zańǵar Nurlanulynyń Eýropa reıtıngisinde bes aı boıy kósh bastap kele jatqanyn jazǵan bolatynbyz.


Jańalyqtar

MURAǴAT