+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Aleksandr Býblık Rolan Garros týrnırinde álemniń 9-raketkasyn utty

2020 jylǵy 29 qyrkúıek 00:06
Bólisińiz:
Aleksandr Býblık Rolan Garros týrnırinde álemniń 9-raketkasyn utty

NUR-SULTAN. QazAqparat – Qazaqstannyń birinshi, álemniń 49-raketkasy Aleksandr Býblık Rolan Garros týrnıriniń ekinshi aınalymyna shyqty, dep habarlaıdy QazAqparat tilshisi.

Uqsas jańalyqtar
Aleksandr Býblık álemdegi úzdik elý tennısshiniń qataryna qaıta kirdi Tennıs: Býblık juptyq synda Sankt-Peterbýrg týrnıriniń fınalyna shyǵa almady Tennıs: Skatov pen Qulambaeva Mysyrdaǵy týrnırdiń jartylaı fınalyna shyqty

A.Býblık alǵashqy aınalymda Frantsııanyń birinshi, álemniń 9-raketkasy Gael Monfıspen kúsh synasty.

Qazaqstandyq tennısshi bıyl 23-ke tolsa, talaı dodany kórgen tisqaqqan qarsylasy 34-te edi.

Óz elinde ótip jatqan «Úlken dýlyǵa» jarysynyń 8-raketkasy bolyp tirkelgen G.Monfıs birinshi partııada 3:0 esebimen alǵa shyqty. Áıtse de A.Býblık qatarynan bes geımdi ala bildi – 5:3. Sodan keıin setke dop bergende, múmkindigin paıdalana aldy – 6:4.

Ekinshi sette kort ıesi taǵy da alǵa ketti – 4:2. Budan keıin qarsylastar breıkpen almasty – 5:3. Sosyn Býblık tarazy basyn teńestirip qana qoımaı, setti óz paıdasyna jazdy – 7:5.

Úshinshi partııada esep 2:2 bolǵan mezette Býblık breık jasaǵanymen, qarsylasy qaıta kúsheıip, esepti 6:3-ke jetkizdi.

Tórtinshi sette frantsııalyq sportshy breıkpen alǵa ketti – 2:1. Qazaqstandyq tennısshi esepti qaıta teńestirdi – 2:2. Sodan soń taǵy bir breıkpen esepti 5:3-ke jetkizdi. Aqyry ekinshi matchbolyn paıdalana aldy – 6:3.

Tartysty báseke 2 saǵat 35 mınýtqa sozyldy.

A.Býblık ekinshi aınalymda álemniń 46-raketkasy, ıtalııalyq Lorentso Sonegomen sheberlik baıqasady. Ol 4 saǵattan astam ýaqytqa sozylǵan bastapqy kezdesýinde 6:7 (6:8), 6:3, 6:1, 6:7 (4:7), 6:3 esebimen ekvadorlyq Emılıo Gomestiń meselin qaıyrdy.

Frantsııa ashyq chempıonatynda seısenbi kúni áıelder arasynda Qazaqstannyń birinshi, álemniń 18-raketkasy Elena Rybakına rýmynııalyq Sorana-Mıhaela Kyrstıamen, al Zarına Dııas Týnıs ókili Ons Jabermen kortqa shyǵady.

Eske sala keteıik, budan buryn A.Býblıktiń álemdegi úzdik 50 tennısshiniń qataryna kirgenin, M.Kýkýshkınniń Rolan Garros týrnıriniń ekinshi aınalymyna shyqqanyn jazǵan bolatynbyz.


Bizdiń kanalymyzǵa jazylyńyz:

#Sport  
Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT