Aleksandr Býblık Rolan Garros týrnırin jeńispen bastady
2022 jylǵy 24 mamyr 18:30

Aleksandr Býblık Rolan Garros týrnırin jeńispen bastady

NUR-SULTAN. QazAqparat - Qazaqstannyń birinshi, álemniń 42-raketkasy Aleksandr Býblık Rolan Garros týrnırin jeńispen bastady, dep habarlaıdy QazAqparat tilshisi.

Qazaqstandyq tennısshi alǵashqy aınalymda dúnıejúzilik reıtıngte 68-orynda turǵan frantsııalyq Artýr Rınderknehpen sheberlik baıqasty.

Buǵan deıin qarsylastar ózara eki ret kezdesip, ekeýinde de frantsııalyq sportshy jeńgen edi.

Bul joly Aleksandr Býblık 6:2, 6:4, 6:4 esebimen jeńiske jetti.

Eki saǵatqa jýyq ýaqytqa sozylǵan matchta A.Býblık 16 eıs jasap, 9 breık-poınttyń tórteýin paıdalana bildi. Qarsylasy 4 eıspen ǵana kózge tústi.

Qazaqtandyq tennısshi ekinshi aınalymda álemniń 31-raketkasy, serbııalyq Mıomır Ketsmanovıchpen oınaıdy. Bıyl Madrıd masters týrnırinde Býblık dál osy tennısshiden jeńilip qalǵan edi.

Eske sala keteıik, budan buryn Rolan Garros týrnırinde qazaqstandyq tennısshilerdiń alǵashqy kezdesýlerin ótkizetinin, ıAroslava Shvedovanyń Ýımbldonda óner kórsetetinin jazǵan bolatynbyz.


Uqsas jańalyqtar

Jańalyqtar

MURAǴAT