Aleksandr Býblık Istborn týrnıriniń shırek fınalyna ótti
2022 jylǵy 23 maýsym 00:21

Aleksandr Býblık Istborn týrnıriniń shırek fınalyna ótti

NUR-SULTAN. QazAqparat – Qazaqstannyń birinshi, álemniń 39-raketkasy Aleksandr Býblık Istborn (Ulybrıtanııa) ATP 250 týrnıriniń shırek fınalyna ótti, dep habarlaıdy QazAqparat tilshisi.

Qazaqstandyq tennısshi ekinshi aınalymda dúnıejúzilik reıtıngte 86-orynda turǵan aýstralııalyq Djon Mıllmanmen sheberlik baıqasty.

A.Býblık birinshi partııada 6:4 esebimen basymdylyq kórsetti. Ekinshisinde qarqynyn údete tústi – 6:2.

Bir saǵatqa sozylǵan match barysynda Býblık 15 eıs jasap, 3 breık-poıntty túgeldeı paıdalandy. Qarsylasy eıspen de, breıkpen de kózge túse alǵan joq.

A.Býblık jartylaı fınalǵa shyǵý úshin álemniń 14-inshi, osy jarystyń úshinshi raketkasy, amerıkalyq Teılor Frıtspen talasady. T.Frıts ekinshi aınalymda Tıago Monteırony joldan taıdyrdy – 7:5, 6:3.

Taǵy bir qazaqstandyq Aleksandr Nedovesov juptyq synda pákstandyq Aısam Kýreshımen birge shırek fınalda nıderlandylyq Matve Mıddelkop – aýstralııalyq Lıýk Sevılge ese jiberdi – 6:4, 4:6, 3:10. Sóıtip jartylaı fınalǵa shyǵa almaı qaldy.

Eske sala keteıik, budan buryn Grıgorıı Lomakınniń Mılanda jarystyń birinshi raketkasyn utqanyn , Mıhaıl Kýkýshkınniń Ýımbldonda irikteý saıystarynyń fınalyna shyqqanyn jazǵan bolatynbyz.

Sondaı-aq Zarına Dııas bıylǵy jarystarǵa qatysa almaıtynyn málimdedi.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT