+7 (701) 759 90 19
USD 422.87 EUR 512.1
RUB 5.63 CNY 64.49
Jańalyqtar

Aleksandr Býblık álemdegi úzdik elý tennısshiniń qataryna qaıta kirdi

2020 jylǵy 19 qazan 11:08
Bólisińiz:
Aleksandr Býblık álemdegi úzdik elý tennısshiniń qataryna qaıta kirdi

NUR-SULTAN. QazAqparat – Qazaqstannyń birinshi raketkasy Aleksandr Býblık álemdegi úzdik elý tennısshiniń qataryna qaıta kirdi, dep habarlaıdy QazAqparat tilshisi.

Uqsas jańalyqtar
Tennıs: Dmıtrıı Popko Brazılııadaǵy týrnırdiń shırek fınalyna shyqty

Kásibı tennısshiler qaýymdastyǵy (ATP) búgin jarııa etken reıtıngte A.Býblık 52-den 49-orynǵa kóterildi.

Osylaısha qazaqstandyq tennısshi bir apta buryn joǵaltyp alǵan ornyna qaıta oraldy. Ol bıylǵy aqpandaǵy úzdik kórsetkishine (47) jaqyn tur.

Taǵy bir qazaqstandyq Mıhaıl Kýkýshkın 88-den 89-ǵa tómendese, Dmıtrıı Popko 178-den 173-ke joǵarylady.

Kósh basyndaǵy úshtikte (serbııalyq Novak Djokovıch, ıspanııalyq Rafael Nadal, aýstrııalyq Domınık Tım) eshqandaı ózgeris bolmasa, keshe Sankt-Peterbýrg týrnıriniń

chempıony atanǵan reseılik Andreı Rýblev óz sporttyq jolynda alǵash ret 10-nan 8-orynǵa kóterildi.

Áıelder arasynda Qazaqstannyń birinshi raketkasy Elena Rybakına Chehııada búgin bastalatyn Ostrava WTA jarysynda baq synaıdy. Ol erteń alǵashqy aınalymda

irikteý saıystary jeńimpazdarynyń biri, reseılik Darıa Kasatkınamen sheberlik baıqasady.

Eske sala keteıik, budan buryn qazaqstandyq tennısshilerdiń reıtıngtegi jańa orny belgili bolǵanyn, A.Býblıktiń juptyq synda Sankt-Peterbýrg týrnıriniń fınalyna shyǵa almaǵanyn jazǵan edik.




Bizdiń kanalymyzǵa jazylyńyz:

#Sport  
Bólisińiz:

Avtor:

Eljan Eraly

Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT