+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

Áldeqashan satylyp ketken kólik qaıta rásimdelmese, onyń salyǵyn burynǵy ıesi tóleıdi

2020 jylǵy 23 qyrkúıek 11:00
Bólisińiz:
Áldeqashan satylyp ketken kólik qaıta rásimdelmese, onyń salyǵyn burynǵy ıesi tóleıdi

NUR-SULTAN. QazAqparat - Kelip túsken shaǵymdardyń taldaýy kórsetkendeı, azamattar satqan kólik quraldary kóbine ýákiletti organnyń tirkeý esebinen shyǵarylmaǵan nemese qaıta rásimdelmegen. Bul rette atalǵan kólik quralyna salyq tóleý mindeti salyq zańnamasy boıynsha osy azamattarda qalady, dep habarlaıdy QazAqparat Memlekettik kirister komıtetine silteme jasap.

Salyqtyq mindetteme boıynsha aqparatty túzetýge jiberilgen 1507 ótinimniń 1282-si – bıyl satylǵan kólikter boıynsha. Bul 86 paıyzdy qurap otyr. Salyq organdary 2019 jyl jáne ótken jyldar úshin bereshek týraly habarlamalardy taratty. Alaıda, 2020 jyl úshin habarlama áli taralǵan joq. Qalǵan 225 shaǵymda kólik quraldary senimhat boıynsha satylǵan.

Aıta ketý kerek, jeke tulǵalar salyq kezeńi úshin salyq somasyn derbes esepteıdi jáne salyqty salyq kezeńiniń 31 jeltoqsanynan keshiktirmeı tóleıdi.

Kólik quraldaryna salyqty derbes esepteý úshin Memlekettik kirisiter organdarynyń portalynda yńǵaıly jáne paıdalanýǵa ońaı «Salyq kalkýlıatory» arnaıy servısi bar. Salyq organdary salyq zańnamasynyń normalaryna sáıkes kólik quraldaryna salyqty 2019 jyl úshin 2020 jyly, 2020 jyl úshin 2021 jyly ýákiletti organnyń málimetteri negizinde esepteıdi.

Bul rette aǵymdaǵy jyldyń naýryz aıynda elimizde qalyptasqan epıdemıologııalyq jaǵdaıǵa baılanysty salyq organdarynda azamattardyń jappaı jınalýyn boldyrmaý úshin salyq bereshegin óndirip alý sharalary toqtatyldy.

Qazirgi ýaqytta eldegi jaǵdaıdyń turaqtanýyna jáne karantın rejıminiń jeńildetilýine baılanysty salyq organdary 2019 jylǵa jáne ótken kezeńderge, onyń ishinde 2020 jyly satylǵan kólik quraldary boıynsha, salyq bereshegi týraly habarlamany azamattarǵa jappaı taratý júrgizildi.

Osyǵan baılanysty, kólik quraldaryn 2019 jylǵa jáne ótken kezeńderge salyq bereshegin tólemeı satqan ıelerine salyq bereshegi týraly habarlama jiberildi.

Bul rette, eger kólik quraly menshiginde bolmasa qate málimetterdi jedel túzetý úshin App Store jáne Play Marke-ten júkteýge bolatyn e-Salyq mobıldi qosymshasynda túzetý servısi ázirlendi. Onyń kómegimen azamattar kólik quralyn esepten shyǵarý nemese aqparatty túzetý úshin ýákiletti organǵa júgine alady.

Eger ótinish berilgennen keıin ýákiletti organnyń derekter bazasyna túzetýler engizse, salyq organy salyqty qaıta esepteýdi júrgizetinine nazar aýdaramyz.


Bizdiń kanalymyzǵa jazylyńyz:

#Salyq   #Zań   #Kólik  
Bólisińiz:

Avtor:

Gúlzat Aqjolova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT