Jańalyqtar  >
Aldaǵy úsh jylda 2 mln-nan astam jańa jumys orny qurylady
2022 jylǵy 13 tamyz 19:58

Aldaǵy úsh jylda 2 mln-nan astam jańa jumys orny qurylady

NUR-SULTAN. QazAqparat – 2025 jylǵa deıingi eńbek naryǵyn damytýdyń keshendi josparyn iske asyrý barysynda 2 mln-nan astam jumys orny qurylady, dep habarlaıdy QazAqparat tilshisi Ashyq NQA portalyna silteme jasap.

«Qazaqstanda eńbek naryǵyn damytýdyń basty baǵyty - jańa jumys oryndaryn qurý. Búginde jumys oryndaryn ashý jumystary ulttyq jáne ınvestıtsııalyq jobalar, óńirlerdi damytý shaǵyn jáne orta kásipkerlikti yntalandyrý baǵdarlamalary aıasynda iske asyp jatyr. Eńbek naryǵyn damytýdyń Keshendi josparyn iske asyrýdyń barlyq kezeńinde 2 mln-nan astam jańa jumys ornyn qurý josparlanýda», - dep josparlarymen bólisti Eńbek jáne halyqty áleýmettik qorǵaý mınıstrligi.

Vedomstvo dereginshe, sońǵy 10 jylda tsıfrlyq eńbek platformalarynyń sany 5 ese ósken. Tıisinshe, olar kóptegen adamdar úshin aqsha tabýdyń jáne kásibı damýdyń negizgi tásiline aınaldy. Ulttyq statıstıka bıýrosynyń aqparatyna sáıkes, 2021 jyly ózi qalaǵan ýaqytta jumys isteıtin, uıymǵa táýeldiligi joq azamattar úlesi - 40 paıyzǵa artqan. Búginde elimizde osyndaı tártippen jumys istetin 300 myńǵa jýyq frılanser bar.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT