Aldaǵy úsh kúnde aýa raıy qandaı bolady
2022 jylǵy 4 shilde 12:00

Aldaǵy úsh kúnde aýa raıy qandaı bolady

NUR-SULTAN. QazAqparat – Qazgıdromet 5-7 shildege arnalǵan aýa raıy boljamyn jarııalady, dep habarlaıdy QazAqparat.

5-6 shildede soltústik-batysta, respýblıkanyń ortalyǵynda qatty jańbyr jaýyp, naızaǵaı jarqyldaıdy. Burshaq jaýýy múmkin. 7 shildede elimizdiń batys óńirlerinde joǵary atmosferalyq qysym áserinen jaýyn-shashynnyń toqtaýy kútilýde.

Aýa temperatýrasynyń kúndiz batysta +18+26°S-tan +23+31°S-qa deıin, soltústik-batysta, soltústikte +15+23°S-tan +20+28°S-qa deıin joǵarylaýy boljanady. Mańǵystaý oblysynda +31 gradýsqa deıin ystyq bolady. Al eldiń ortalyǵynda +20+28°S, Qaraǵandy jáne Ulytaý oblystarynyń ońtústiginde +33°S, respýblıkanyń shyǵysynda aýa temperatýrasy +22+29°S, Shyǵys Qazaqstan oblysynyń ońtústiginde +33°S, Qazaqstannyń ońtústiginde +30+37°S-tan +25+33°S-qa, eldiń ońtústik-shyǵysynda aýa temperatýrasy +28+33°S deıin kóteriledi.


Uqsas jańalyqtar

Jańalyqtar

Úrdis

MURAǴAT