+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Aldaǵy qysta aýa raıy qandaı bolady

2020 jylǵy 20 qazan 12:42
Bólisińiz:
Aldaǵy qysta aýa raıy qandaı bolady

NUR-SULTAN. QazAqparat – Qazgıdromet aldaǵy qys aıyndaǵy aýa raıyna boljamdy jarııalady, dep habarlaıdy QazAqparat.

2020-2021 jyldaǵy qys ótken jylǵy qystyń stsenarııi boıynsha, ıaǵnı jyly jáne jaýyn-shashynǵa mol bolady dep kútilýde.

«Ótken jyldyń qysynda Qazaqstan aýmaǵyna Atlantıka aýdandarynan jyly jáne ylǵaldy aýa massalaryn ákeletin batys tasymaly jıi júzege asyryldy. Jer betindegi qabatta belsendi tsıklon men atmosferalyq fronttardyń jıi ótýi baıqaldy, osyǵan baılanysty respýblıkanyń basym bóliginde mol jaýyn-shashyn jaýdy. Bul protsesstiń eń úlken áseri eldiń soltústik-shyǵysynda jáne ortalyǵynda baıqaldy, birqatar tereń tsıklondar óte qolaısyz aýa-raıyn ákeldi: boranmen jıi jáne qatty qar jaýdy, olardyń uzaqtyǵy 12-25 saǵat, kóriný qashyqtyǵynyń nasharlaýy 50 m deıin jetti, jel 30-35 m/s deıin kúsheıdi.

Aldaǵy qysta Qazaqstan aýmaǵy boıynsha temperatýralyq fon klımattyq normadan 1-2°S joǵary, tek elimizdiń ońtústik, ońtústik-shyǵys, shyǵys aımaqtarynyń taýly jáne taý bókterli aýdandarynda – norma shamasynda kútilýde», - dedi Qazgıdromet.

Sınoptıkterdiń boljamynsha, jeltoqsan men qańtar aılarynda elimizdiń basym bóliginde aýa raıy jaýyn-shashyndy bolady, tek batys óńirlerinde – az kútiledi, aqpan aıynda jaýyn-shashyn mólsheri eldiń basym bóliginde normadan kóp, al ońtústik-batys jartysynda norma shamasynda bolady.

Kóktemniń basy, atap aıtqanda naýryz jyly jáne jaýyn-shashynyń mólsheri az bolady dep kútiledi. Qazaqstan aýmaǵynyń basym bóliginde ortasha aýa temperatýrasy normadan 1-2°S joǵary, Almaty jáne Shyǵys Qazaqstan oblystarynyń taýly jáne taý bókterindegi aýdandarynda normaǵa jýyq boljanady. Jaýyn-shashyn mólsheri basym bóliginde normadan az, qıyr soltústikte jáne Shyǵys Qazaqstan men Almaty oblystarynyń ońtústik-shyǵys bóliginde norma shamasynda, Shyǵys Qazaqstan oblasynyń taýlarda normadan kóp boljanady.


Bizdiń kanalymyzǵa jazylyńyz:

Bólisińiz:
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT