Aldaǵy kúnderi respýblıkanyń keıbir óńirlerinde kún 45 gradýsqa deıin ysıdy
2022 jylǵy 21 maýsym 19:15

Aldaǵy kúnderi respýblıkanyń keıbir óńirlerinde kún 45 gradýsqa deıin ysıdy

NUR-SULTAN. QazAqparat - «Qazgıdromet» RMK-sy Qazaqstannyń birneshe oblysynda aýa raıyna baılanysty eskertý jarııalady, dep habarlaıdy QazAqparat.

«Qazgıdromet» boljamyna qaraǵanda, kúndiz 23-24 maýsymda Qaraǵandy oblysynyń ońtústiginde, kúndiz 25 maýsymda batysy men ońtústiginde kún 40 gradýsqa deıin ysıdy.

Kúndiz 24-25 maýsymda Qyzylorda oblysynyń ońtústiginde kún 45 gradýsqa deıin ysıdy.

Kúndiz 25-27 maýsymda Túrkistan oblysynyń shóldi aýdandarynda 45 gradýs ystyq bolady.

Kúndiz 25-27 maýsym aralyǵynda Jambyl oblysynyń batysy men soltústiginde 43 gradýs ystyq bolady.

Kúndiz 26-27 maýsymda Almaty oblysynyń batysy, soltústigi men shyǵysynda 40 gradýs ystyq.

Kúndiz 26-27 maýsymda Almaty oblysynyń batysy, soltústigi men shyǵysynda 40 gradýs ystyq.

22 maýsymda Batys Qazaqstan oblysynyń soltústik-shyǵysynda naızaǵaı oınap, burshaq jaýady, daýyl turady. Jel ońtústik-shyǵystan soǵady, kúndiz oblystyń soltústik-shyǵysynda ekpini 15-20 m/s. Kúndiz oblystyń basym bóliginde 37 gradýsqa deıin qatty ystyq kútiledi.

Oralda 22 maýsymda naızaǵaı oınap, burshaq jaýady, daýyl turady. Jel ońtústik-shyǵystan soǵady, kúndiz ekpini 18 m/s.

22 maýsymda túnde Aqmola oblysynyń soltústik-shyǵysynda naızaǵaı oınaıdy. Kúndiz oblystyń soltústiginde, ońtústiginde shańdy daýyl turady. Ońtústik-batystan, batystan jel soǵady, túnde oblystyń soltústiginde, ortalyǵynda ekpini 15-20 m/s, kúndiz basym bóliginde 15-20, oblystyń soltústiginde ekpini 25 m/s bolady.

Kókshetaýda tańerteń jáne kúndiz 22 maýsymda ońtústik-batystan, batystan jel soǵady, ekpini 15-20 m/s.

22 maýsymda kúndiz Aqtóbe oblysynyń soltústiginde, shyǵysynda, ortalyǵynda naızaǵaı oınaıdy. Jeldiń baǵyty soltústik-batystan ońtústik-batysqa aýysady, kúndiz oblystyń soltústiginde ekpini 18 m/s.

Aqtóbede túnde jáne tańerteń 22 maýsymda naızaǵaı oınaıdy.

22 maýsymda Mańǵystaý oblysynyń soltústiginde, ońtústiginde, ortalyǵynda shańdy daýyl turady. Ońtústik-shyǵystan jel soǵady, oblystyń soltústiginde, ońtústiginde, ortalyǵynda jeldiń jyldamdyǵy sekýndyna 15-20 metrge jetedi. Kúndiz oblystyń basym bóliginde 40 gradýs ystyq bolady.

22 maýsymda Qostanaı oblysynyń batysynda, soltústiginde, shyǵysynda naızaǵaı oınap, burshaq jaýady, daýyl turady. Batystan jel soǵady, oblystyń batysynda, soltústiginde, shyǵysynda 15-20, ekpini 25 m/s.

22 maýsymda kúndiz Almaty oblysynyń soltústiginde jáne shyǵysynda 36 gradýs ystyq bolady. Ońtústik-batystan jel soǵady, kúndiz oblystyń ońtústiginde, shyǵysynda jáne taýly aýdandarynda 15-20 m/s, ekpini 25 m/s.

Taldyqorǵanda 22 maýsymda kúndiz 36 gradýs qatty ystyq bolady.

22 maýsymda túnde Pavlodar oblysynyń soltústiginde, batysynda, shyǵysynda naızaǵaı oınaıdy. Ońtústik-batystan jel soǵady, naızaǵaı kezinde ekpini 15-20 m/s.

Pavlodarda 22 maýsymda túnde naızaǵaı oınaıdy. Ońtústik-batystan jel soǵady, naızaǵaı kezinde jeldiń ekpini 15-20 m/s.

22 maýsymda kúndiz Túrkistan oblysynyń taýlarynda naızaǵaı oınap, daýyl turady. Shyǵystan jel soǵady, naızaǵaı kezinde ekpini 15-20 m/s.

22 maýsymda kúndiz Qyzylorda oblysynda 40 gradýs ystyq bolady. Oblystyń basym bóliginde tótenshe órt qaýpi saqtalady.

Qyzylordada 22 maýsymda tótenshe órt qaýpi saqtalady.

22 maýsymda kúndiz Qaraǵandy oblysynyń soltústiginde, shyǵysynda jel ońtústik-batystan soltústik-batysqa aýysady, ekpini 15-20 m/s. Kúndiz oblystyń ońtústiginde 38 gradýs ystyq saqtalady.

22 maýsymda Qaraǵandyda kúndiz jel ońtústik-batystan soltústik-batysqa aýysady, ekpini 18 m/s.

Jezqazǵanda kúndiz 22 maýsymda 36-38 gradýs ystyq bolady.

22-23 maýsymda Soltústik Qazaqstan oblysynyń soltústiginde, shyǵysynda naızaǵaı oınap, burshaq jaýady, daýyl turady. Ońtústik-batystan, batystan jel soǵady, kúshi 15-20 m/s, 22 maýsymda kúndiz oblystyń basym bóliginde ekpini 23-28 m/s, 23 maýsymda oblystyń shyǵysynda ekpini 25 m/s.

Petropavlda kúndiz 22, túnde 23 maýsymda naızaǵaı oınap, burshaq jaýady, daýyl turady. Ońtústik-batystan, batystan jel soǵady, kúshi 15-20 m/s, kúndiz 22 maýsymda ekpini 23-28 m/s.

23 maýsymda Jambyl oblysynyń ońtústiginde, shyǵysynda, taýly aýdandarda nóser jańbyr jaýady. Kúndiz 22 maýsymda oblystyń ońtústiginde, taýly aýdandarda, 23 maýsymda oblystyń ońtústiginde, shyǵysynda, taýly aýdandarynda naızaǵaı oınap, burshaq jaýady, daýyl turady. Soltústik-shyǵystan soǵatyn jel ońtústik-shyǵys jeline aýysady, kúndiz 22, táýlik boıy 23 maýsymda oblystyń ońtústik-batysynda, soltústik-shyǵysynda, taýly aýdandarda 15-20 m/s.

Tarazda 23 maýsymda naızaǵaı oınap, burshaq jaýady. Kúndiz 22 maýsymda soltústik-shyǵystan jel soǵady, ekpini 15-20 m/s.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT