Alaıaqtar aqtóbeliktiń atynan 3,7 mln teńge nesıe rásimdegen
2021 jylǵy 27 qarasha 10:11

Alaıaqtar aqtóbeliktiń atynan 3,7 mln teńge nesıe rásimdegen

AQTÓBE. QazAqparat - Aqtóbede belgisiz adamdar jergilikti turǵynnyń atynan nesıe rásimdegen. Búginde oblys boıynsha ınternet alaıaqtaryna qatysty 101 is tirkeldi, dep habarlaıdy QazAqparat tilshisi.

Aqtóbe oblystyq polıtsııa departamentiniń bólimshelerinde búgingi kúni 112 alaıaqtyq deregi tirkelgen. Onyń ishinde 101-i ınternet alaıaqtaryna tıesili.
«Alaıaqtyqtyń bul túri keń taraǵan. Adamdar joq taýarlardy satyp alýǵa aqsha aýdarady. «Ózin bank qyzmetkerimin» dep tanystyrǵan beıtanys adamdardyń ótinishi boıynsha basqa shottarǵa qarjysyn aýdarady jáne urlanǵan nemese joǵalǵan jeke kýáligi sekildi qujattaryna selqos qaraıdy. Mysaly qarasha aıynda alaıaqtar ınternet resýrstar arqyly jergilikti turǵynnyń atyna jalpy somasy 3, 7 mln teńgege kredıt resimdedi. Mundaı jaǵdaılardyń aldyn alý úshin polıtsııa qyzmetkerleri azamattarǵa qyraǵy bolýdy usynady», - dedi oblystyq PD baspasóz qyzmetiniń jetekshisi Erbolat Sarqulov.
Bank qyzmetkerleri karta málimetterin, SMS jáne CVV kodtardy suratyndarǵa senbeýge shaqyrdy. Sondaı-aq alaıaqtar kóbine: «Bul banktiń qaýipsizdik qyzmeti. Biz kúdikti tranzaktsııany taptyq, kartany buǵattaý kerek. Derekterińizdi aıtyńyz», - dep aldaıdy.


Uqsas jańalyqtar

Jańalyqtar

Úrdis

MURAǴAT