+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

Alash zııalylary tyrysqaq epıdemııasynyń aldyn aldy - professor

2020 jylǵy 25 tamyz 15:37
Bólisińiz:
Alash zııalylary tyrysqaq epıdemııasynyń aldyn aldy - professor

NUR-SULTAN. QazAqparat – Alash zııalylary 1921 jyly tyrysqaq (holera) dertimen kúresetin komıtet qurdy. Ár ýezd ortalyqtarynda emdeıtin kabınet ashyp, epıdemııaǵa jol bermedi, dep habarlaıdy QazAqparat tilshisi.

Bul týraly «Aq jol» demokratııalyq partııasy «Alash» ınstıtýtymen birge uıymdastyrǵan «Qazaq Respýblıkasynyń 100 jyldyǵy jáne onyń qurylýyna «Alash» qaıratkerleriniń úlesi» taqyrybynda ótken onlaın konferentsııada aıtyldy.

«Qazaq avtonomııasy – Alash zııalylary eńbeginiń jemisi. Memlekettik tildi áli kúnge deıin sheshe almaı jatyrmyz. Bul másele ol kezde de ýshyǵyp turdy. Ol kezde qazaqtardyń úles salmaǵy 50% boldy. Memlekettik tildi qalaı bir jolǵa qoıamyz, is qaǵazdardy qalaı qazaq tiline aýdaramyz degen máseleni Orynborda otyrǵan azamattar jaqsy sheshti. Ózge tildi ult ókilderin ózine qarsy qoımas úshin aldymen eki tildi qatar jiberdi. 1925 jyly jappaı orystar turatyn jerde de is-qaǵazdy 100% memlekettik tilde júrgizý týraly sheshim qabyldady. Bılikke F.Goloekınniń bılikke kelýimen bul másele sheshimin tappaı, toqtap qaldy», - deıdi tarıh ǵylymdarynyń doktory, professor Zııabek Qabyldınov.

Ol kezde bilim, densaýlyq salasynda da jaǵdaı qıyn bolǵan.

«Bul máseleni sheshý úshin kóptegen jerde mektep ashyp, muǵalimderdi daıyndaıtyn Qazaq ınstıtýtyn ashty. Tipti mektep oqýlyqtaryna kóp qarjy bóldi. Densaýlyq salasyna qatysty máseleni de jaqsy sheshti. Qazaq aýyldaryna azyq-túlikti ýaqytyly jetkizip turýǵa tyrysty. Dárigerler pýnkterin ashyp, monsha kóbirek sala bastady. 1921 jyly tyrysqaq dertimen kúresetin komıtet qurdy. Ár ýezd ortalyqtarynda emdeıtin kabınet ashyp, epıdemııaǵa jol bermedi», - deıdi ol.


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT