+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

Alash zııalylary qazaqtyń túpki jerlerin jınap aldy - Zııabek Qabyldınov

2020 jylǵy 25 tamyz 15:17
Bólisińiz:
Alash zııalylary qazaqtyń túpki jerlerin jınap aldy - Zııabek Qabyldınov

NUR-SULTAN. QazAqparat - 1924-1925 jyldary «Alash» zııalylary Qazaqtyń terrıtorııasyna qazaqtyń túpki jerlerin jınap aldy. Bul týraly «Aq jol» demokratııalyq partııasy «Alash» ınstıtýtymen birge uıymdastyrǵan «Qazaq Respýblıkasynyń 100 jyldyǵy jáne onyń qurylýyna «Alash» qaıratkerleriniń úlesi» taqyrybynda ótken onlaın konferentsııada aıtyldy, dep habarlaıdy QazAqparat tilshisi.

«1920 jyly 26 tamyzda Keńes úkimeti Búkilreseılik ortalyq atqarý komıteti men RKFSR HKK «Qyrǵyz (qazaq) avtonomııaly sotsıalıstik keńes respýblıkasyn qurý týraly» dekret qabyldady. 4-12 qazan aralyǵynda Orynborda Qazaq avtonomııasynyń úlken sezi ótti, sondyqtan 4 qazan kúni qazaq memleketiniń qalpyna kele bastaǵan kúni dep esepteledi. 1920-1925 jyldar aralyǵynda bizdiń avtonomııamyzdyń ortalyǵy Orynborda boldy. Ol Reseı ımperııasy kezinde bizdi otarlaýdyń bir ortalyǵy bolǵan», - deıdi tarıh ǵylymdarynyń doktory, professor Zııabek Qabyldınov.

Ol qysqa ýaqytta kóp jumys istelgenin aıtty.

«1920 jyly 3 mıllıondaı halyq avtonomııa quramynda bolsa, 1925 jyly 6,5 mıllıonǵa deıin sharyqtady. Qazaq halqynyń úlesi 50%-dan asar-aspas qana boldy. Orynborda qansha qıyndyq bolsa da, kadrlar jetispese de avtonomııanyń basynda otyrǵan jigitter kóp jumys istedi. Onyń ishinde kadr máselesi, jer máselesi, ákimshilik terrıtorııa, memleket máselesi, bilim, densaýlyq máselesi, 1920-1921 jyldary bastalǵan asharshylyqpen keremet, tıimdi kúreskenine ań-tań bolamyz», - deıdi ol.

Onyń aıtýynsha, ol kezde Orynbordaǵy qazaqtyń sany 1%-dan aspaǵan.

«Osyǵan qaramaı kadr jetispeýshiligi máselesin sheshken. Alash zııalylarynyń myqtylaryn jumysqa tartyp, Reseı federatsııasynyń myqty joǵary oqý oryndaryna jibergen. Tipti 1924-1925 jyldary «Alash» zııalylary qazaqtyń terrıtorııasyna qazaqtyń túpki jerlerin jınap aldy. Tek Omby qalasy men Omby ýezine qatysty másele boldy. Tek 1928-1929 jyldary Alashtyń myqty azamattary Omby qalasy men Omby ýezin RKFSR quramyna engizý týraly sheshim qabyldandy», - deıdi ol.


Bizdiń kanalymyzǵa jazylyńyz:

Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT