+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Alaman báıge: «Elbasy kýbogynda» Bekbolat Tileýhannyń «Baqtorysy» top jardy

2020 jylǵy 20 qazan 19:37
Bólisińiz:
Alaman báıge: «Elbasy kýbogynda» Bekbolat Tileýhannyń «Baqtorysy» top jardy

NUR-SULTAN. QazAqparat – Búgin Elordadaǵy «Qazanat» ıppodromynda Elbasy kýbogyn sarapqa salǵan alaman báıge ótti, dep habarlaıdy QazAqparat tilshisi.

Uqsas jańalyqtar
Hokkeı: «Barys» ekinshi oıyn qatarynan jeńiske jetti Fýtboldan Qazaqstan birinshiligi máresine jetti Fýtbol: «Shahter» tórtinshi oryn aldy

Sharany «Nur-Otan» partııasynyń qoldaýymen Ulttyq sport qaýymdastyǵy uıymdastyrdy.

Báıgege elimizdiń túkpir-túkpirinen kelgen júırikter «jorǵa jarys», «qunan báıge», «kishi alaman», «alaman báıge» sekildi jarys túrlerinen baq synady.

Júlde qory 20 mıllıon teńge bolǵan báıge 7 shaqyrymdyq «jorǵa jarysymen» bastaldy. Natıjesinde, Bıkenova Aıagóz baptaǵan «Fılıps» esimdi jorǵa birinshi keldi. Ekinshi oryndy Kabdollaev Armannyń «Revansh» atty jorǵasy ıelense, úshinshi oryndy Matıýh Grıgorııdiń «Edelveıs» esimdi jorǵasy aldy.


9 shaqyrymdyq «qunan báıgeden» Sultan Jolanulynyń «Talhız» atty tor qunany birinshi bolyp márege jetti. Ekinshi Maılybaev Erjannyń «Babýr Amır» esimdi qunany keldi. Al, úshinshi oryn Aqtasov Erjan baptaǵan «Zamanaıǵa» buıyrdy.

16 shaqyrymǵa at shaptyrǵan «kishi alaman» baıgede, Bóbekbaı Sekenaıdyń «Qarlyǵash» atty tulpary aldyna qara salmady. Ekinshi bolyp, Shadrah Ermekbaıulynyń «Aqsholpany» márege jetti. Úshinshi oryndy Sultan Jolanulynyń «Beriktas» atty júırigi qanjyǵaǵa baılasa, úzdik tórttikti Japar Bekaıdardyń «Asemaı» atty tulpary túıindedi.

Naǵyz tulparlar synalǵan «úlken alaman» báıge erekshe tartysty ótti. Kil júırikter arasynan baby men baǵy qatar shapqan Bekbolat Tileýhannyń «Baqtory» atty tulpary bas júldeni qanjyǵasyna baılady. Ekinshi bolyp Orazalıev Madıdiń «Qasıet» atty júırigi márege jetti. Úshinshi oryn Taýkenov Maqsat baptaǵan «Keriaýyz» atty tulparǵa buıyrsa, tórtinshi oryndy Almaty oblysynan kelgen Bóbekbaev Bolattyń «Úshqońyr» atty júırigi enshiledi. Al, júldeli besinshi oryndy Bóbekbaı Jambyldyń «Bolashaq» esimdi júırigi ıelense, altynshy bolyp, Aqtasov Erjan baptaǵan «Kókoınaq» atty tulpary jetti.

Bir ókinishtisi «Kókoınaq» máre syzyǵyn kese berip, sendelip jyǵylyp tústi. Alaman báıgeniń júldeli jetinshi ornyn Noqataı Nurdáýlettiń «Asýtor» atty júırigi túıindedi.


Júldeli júırikterdiń barlyǵy aqshalaı syımen marapattaldy. Al, alamannyń bas júldesi buıyrǵan Qaraǵandy oblysy, Jańaarqa aýdanynan kelgen Meıirlan Nurbolatov mingen «Baqtory» atty júırik, QR Ulttyq sport túrleri qaýymdastyǵynyń prezıdenti, QR Parlamenti májilisiniń depýtaty Bekbolat Tileýhanǵa tıesili. Atty baptaǵan – Bóbekbaev Bolat. «Baqtory» 5 mln teńgege jáne arnaıy kýbokke ıe boldy.

«Elimizdegi beıbit kúnniń arqasynda dástúrimizdi ulyqtaǵan osyndaı úlken meıramǵa bármiz kýá bolyp otyrmyz. Ulttyq sport dese ishken asyn jerge qoıatyn osynda otyrǵan jankúıerlerge, at baptaǵan bapkerlerge, shabandozdarǵa rahmetimdi aıtamyn. Sharanyń ótýine qoldaý bildirgen «Nur Otan» partııasyna, Nur-Sultan qalasy ákimdigine atsúıer qaýym atynan alǵys aıtamyn. Alashtyń balasy attan túspesin», - dedi Bekbolat Tileýhanuly.


Bizdiń kanalymyzǵa jazylyńyz:

Bólisińiz:

Avtor:

Rızabek Núsipbekuly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT