+7 (701) 759 90 19 Lenta
USD 386.71 EUR 429.17
RUB 6.02 CNY 54.66
Jańalyqtar

Alakóldegi sý synamasynyń nátıjesi belgili boldy

2019 jylǵy 5 tamyz 18:25
Bólisińiz:
Alakóldegi sý synamasynyń nátıjesi belgili boldy

ALMATY. QazAqparat – «Qazgıdromet» RMK-nyń Almaty oblysy boıynsha fılıalynyń mamandary Alakóldiń bes núktesinen alynǵan sý synamasyna júrgizilgen jospardan tys tekseristiń qorytyndysyn jarııalady, dep habarlaıdy QazAqparat tilshisi.

Uqsas jańalyqtar
Alakólge aǵyzylǵan sýdan synama alyndy - ákimdik Alakólge bara jatqan jolaýshylar avtobýsy aýdaryldy

«2019 jyldyń 1 tamyzynda Alakól kóline «Kóktem grand» qonaq úıiniń basseıni qubyrynan laı sýdyń aǵyp kelýine baılanysty «Qazgıdromet» RMK-nyń Almaty oblysy boıynsha fılıalynyń qyzmetkerleri birden tıisti jumysty qolǵa aldy. Mamandar oqıǵa ornyna jetip, №1 núkteniń 5 metr tereńdiginen (aǵyp kelgen arnadan, qubyrdan); №2 núktedegi demalys aýmaǵynan (qubyrǵa jaqyn jaǵadan); №3 núktedegi aǵyp kelgen arnaǵa 20 metr qarama-qarsy qashyqtyqtan; №4 núktedegi aǵyp kelgen arnadan ońǵa qaraı 500 metr jerden; №5 núktedegi aǵyp kelgen arnadan solǵa qaraı 500 metr jerden sý synamasy alyndy», - delingen habarlamada.

Laborotorııalyq analız sý sapasynyń 45 fızıko-hımııalyq kórsetkishi boıynsha, atap aıtqanda basty ıondary, bıogendi, organıkalyq quramy men aýyr metalldary boıynsha júrgizilgen.

Aqparatty jedel berý úshin fılıal demalys kúnderi alynǵan sý synamasyna taldaý júrgizdi.

3-4 tamyz kúnderi alynǵan nátıje boıynsha sý synamasynda hlorıd boıynsha kontsentratsııanyń (3,8 esege), magnııdiń (3,3 esege), mıneralızatsııanyń (3,2 esege) jáne ftorıdtiń (3,6 esege) artqany baıqalady.

Eske sala ketsek, Almaty oblysyndaǵy Alakólge qubyr arqyly laı sý tógilip jatqany buǵan deıin habarlanǵan bolatyn. Áleýmettik jelige taraǵan vıdeo halyqtyń narazylyǵyn týdyrǵan.

QR Ekologııa, geologııa jáne tabıǵı resýrstar mınıstri Maǵzum Myrzaǵalıev bul jaǵdaıǵa kináliler jazalanatynyn habarlady. Osy máselege baılanysty Alakóldegi sýdy zertteý maqsatynda arnaıy komıssııa quryldy.


Bizdiń kanalymyzǵa jazylyńyz:

Basty sózder: Almaty oblysy, Týrızm, Ekologııa,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT