Alakóldegi órtten qaza tapqandar týraly aqparat túsken joq – mınıstrlik
2022 jylǵy 5 shilde 13:36

Alakóldegi órtten qaza tapqandar týraly aqparat túsken joq – mınıstrlik

NUR-SULTAN. QazAqparat – Alakóldegi órtten qaza tapqandar týraly aqparat túsken joq. Bul týraly Tótenshe jaǵdaılar mınıstrligi órtke qarsy qyzmet komıteti tóraǵasynyń orynbasary Dmıtrıı Tıtov málim etti, dep habarlaıdy QazAqparat tilshisi.

«Ázirge qaza tapqandar týraly aqparat túsken joq, dep senimmen aıta alamyn. Denesin kúıik shalǵandar da joq. Tek bir adam jaraqat aldy. Taǵy bir demalýshyǵa ıis tıgen. Qalǵandary tek oqys oqıǵadan eseńgirep qalǵan», - dedi Dmıtrıı Tıtov.

Tótenshe jaǵdaılar mınıstrliginiń ókili qazir órt ornynda aýdandyq polıtsııa bóliminiń jedel-tergeý toby jumys istep jatqanyn aıtty.

Sonymen qatar órt zerthanasynyń qyzmetkerleri tilsiz jaýdyń shyǵý sebepterin anyqtap jatyr.

Eske sala keteıik, buǵan deıin Alakóldegi alapat órtten 4 demalys ornyndaǵy 17 ǵımarat tolyǵymen janyp ketkenin habarlaǵan edik.

Qyzyl jalyn 3 myń sharshy metr aýmaqty sharpyǵan.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT