Alakólde 3 myń sharshy metr demalys orny órtenip, 7 adam zardap shekti
2022 jylǵy 5 shilde 07:20

Alakólde 3 myń sharshy metr demalys orny órtenip, 7 adam zardap shekti

ABAI OBLYSY. QazAqparat - Abaı oblysy Úrjar aýdanynda Alakól jaǵasyndaǵy demalys bazasynda bolǵan órt 5 saǵat boıy sóndirildi, dep habarlaıdy QazAqparat.

«Alakól jaǵasyndaǵy demalys bazasynda aldyn ala eseptelgendeı 3 myń sharshy metr aýmaq órtengen. 4 demalys orny búlindi. Bir-birine jalǵap salynǵan aǵash úılerge órt jyldam tarady. Onyń ústine qatty jel de órtti sóndirýge kedergi keltirgen. 5 saǵat 40 mınýtqa sozylǵan alapat órtti sóndirýge Tótenshe jaǵdaılar departamenti jáne polıtsııa, jergilikti organdardan kelgen 186 adam men 29 tehnıka jumyldyryldy. Órtten zardap shekken 7 adam medıtsınalyq kómekke júgingen. Alaıda olar aýrýhanaǵa jatýdan bas tartqan», - delingen Abaı oblysynyń TJD baspasóz qyzmeti habarlamasynda.
Órttiń neden shyqqany anyqtalýda. Oqıǵa ornynda operatıvtik shtab jumys istep jatyr. Aıta ketsek, 4 shilde kúni saǵat 23:20-da Úrjar aýdanyndaǵy Alakól jaǵasyndaǵy demalys bazasynda órt shyqqan. Qatty jeldiń kesirinen qyzyl jalyn qas pen kózdiń arasynda kórshi bazany sharpyp úlgergen.

Áleýmettik jelide Alakóldegi órt túsirilgen vıdeolar jarııalanyp jatyr. Jeli qoldanýshylary demalys ornyndaǵy adamdardyń qaýipsiz jerge shyqqanyn, keıbiri órtti sóndirýge atsalysyp jatqanyn aıtady.


Vıdeodan alynǵan skrın


Uqsas jańalyqtar

Jańalyqtar

Úrdis

MURAǴAT