Alpi taýlarynda muzdyqtar opyrylyp, 15 adam iz-túzsiz ketti
2022 jylǵy 4 shilde 08:56

Alpi taýlarynda muzdyqtar opyrylyp, 15 adam iz-túzsiz ketti

NUR-SULTAN. QazAqparat – Dolomıt Alpilerinde muzdyqtardyń erýinen qaza tapqandar sany alty adamǵa jetti, dep habarlaıdy QazAqparat Euronews aqparat agenttigine silteme jasap.

9 adam zardap shekti. Joǵalǵan 15 adamdy izdeý jumystary jalǵasyp jatyr. 3500 metr bıiktikte qutqarý jumysy júrip jatyr.

Qaıǵyly oqıǵa Trento provıntsııasynda, Apennın túbeginiń eń úlken muzdyǵy Marmoladada bolǵan.

Eki top alpınıst taý basyna kóterilip jatqan kezde muz, qar jáne tastyń alyp bóligi 300 km/saǵ jyldamdyqpen opyrylyp qulaǵan.

Italııalyq BAQ habarlaýynsha, olardyń arasynda sheteldikter de bolýy múmkin.

Premer-mınıstr Marıo Dragı qaza tapqandardyń otbasylaryna kóńil aıtty.

Muz massasynyń opyrylýy muzdyqtyń joǵarǵy jaǵynda Tselsıı boıynsha +10 gradýs temperatýra rekordy tirkelgennen keıin kelesi kúni oryn aldy.

Qutqarýshylar jańa qulaý qaýpi bar ekenin eskertip otyr.

Ekologtardyń aıtýynsha, sońǵy jıyrma jylda muzdyqtyń aýdany úshten birge qysqarǵan.


Foto: english.news.cn

Seriktester jańalyqtary

Jańalyqtar

Úrdis

MURAǴAT