+7 (701) 759 90 19
USD 423.87 EUR 505.25
RUB 5.59 CNY 64.43
Jańalyqtar

Ál-Farabı mereıtoıy birqatar elderde ótip jatyr – Darhan Qydyráli

2020 jylǵy 19 qazan 19:35
Bólisińiz:
Ál-Farabı mereıtoıy birqatar elderde ótip jatyr – Darhan Qydyráli

NUR-SULTAN. QazAqparat – Halyqaralyq Túrki akademııasy elordada «Jibek jolyndaǵy órkenıetter úndestigi» atty halyqaralyq forým ótkizdi, dep habarlaıdy QazAqparat tilshisi.

Akademııa Prezıdenti Darhan Qydyráliniń aıtýynsha, bul alqaly jıyn Parıjde ıÝNESKO-nyń shtab-páterinde ótýi tıis edi.

«Alaıda, jahandy jaılaǵan álemdik pandemııadan jıyndy onlaın rejimde ótkizýge májbúr boldyq. Soǵan qaramastan, kóptegen halyqaralyq uıymdardyń jetekshileri men 30-dan astam eldiń tanymal ǵalymdary qatysyp otyr. Farabtan shyqqan oıshyldyń mereıli datasyna oraı, QR Prezıdenti Qasym-Jomart Toqaevtyń Jarlyǵymen «Farabı jyly» dep jarııalandy. Arnaıy memlekettik komıssııa qurylyp, kóptegen jumystar atqaryldy. Memlekettik komıssııa tóraǵasy, QR Memlekettik hatshysy Qyrymbek Kósherbaev arnaıy qatysyp otyr», - dedi Darhan Qydyráli Ulttyq akademııalyq kitaphanada ótken jıynnyń ashylýynda.


Onyń aıtýynsha, Farabıtaný zertteýleri, Farabıǵa qatysty jıyndar pandemııaǵa baılanysty onlaın rejımde túrli memleketterde, sonyń ishinde ıslam elderinde ótip jatyr.

«Búgingi jıynnyń bir mańyzy – Ońtústik Koreıadan bastap, Úndistan, Pákistan, Qıyr Shyǵys, Taıaý Shyǵys, Eýropa, Afrıka syndy tórt qurlyqtyń ǵalymdary qatysyp otyr. Munyń ózi ál-Farabıdiń adamzatqa ortaq jáne úlken órkenıettiń negizin qalaǵan tulǵa ekenin kórsetedi. Barshasy dinine, tiline qaramastan ál-Farabı usynǵan «Qaıyrymdy qala» jáne «Adam baqyty» degen úlken ıdeıaǵa tirelip tur. Qazirgi ýaqytta bul ózekti. Sondyqtan, kemel kisilik nemese qaıyrymdy qoǵam tóńireginde ǵalymdar óz usynystaryn aıtady dep oılaımyn», - deıdi D. Qydyráli.


Onlaın rejımde jıynǵa Iran Islam Respýblıkasynyń Ǵylym, zertteýler jáne tehnologııa mınıstri Mansýr Golamı, ISESKO bas hatshysy Salım ál-Malık, IYU janyndaǵy ǵylym-tehnologııalar jónindegi turaqty komıtet dırektory Mýhammed Ikbal Chaýdarı, Túrkııa Prezıdentiniń bas keńesshisi ıAlchyn Topchý jáne halyqaralyq uıymdardyń jetekshileri, dıplomattar, belgili farabıtanýshy ǵalymdar qatysty.

Sonymen birge, spıker Halyqaralyq Túrki akademııasynyń ál-Farabı mereıtoıyna qatysty qandaı sharalar atqarǵanyn baıandady.


«Túrki akademııasyna múshe elderde ál-Farabıge qatysty biraz shara ótti. Ál-Farabıdiń arab tilindegi klassıkalyq eńbegin orys jáne qazaq tilderine aýdaryp shyqtyq. Taıaý kúnderi onyń tusaýkeseri bólek ótedi. Sonymen birge, birqatar elderde ótetin jıyndarǵa qatysamyz. Mysaly, Islamabadta jáne Túrkııada úlken jıyn ótkeli jatyr. Solardyń barlyǵyna akademııa óz tarapynan qatysa beredi. Sebebi, ál-Farabı adamzattyq musylmandyq álem degenmen, birinshi kezekte ál-Farabıdiń túrki áleminiń tuǵyrly tulǵasy ekeni belgili. Sondyqtan, Túrki akademııasy bıylǵy ál-Farabı jylynda sharalar atqara beredi», - dedi Darhan Qydyráli.

Buǵan deıin QR Memlekettik hatshysy, QR Memlekettik hatshysy, Ábý Nasyr ál-Farabıdiń 1150 jyldyǵyn ótkizý jónindegi memlekettik komıssııa tóraǵasy Qyrymbek Kósherbaev uly oıshyldyń mereıtoıy qalaı toılanǵanyn aıtyp bergen edi.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Úmbet Sholpan
Úmbet Sholpan
954-059

MURAǴAT