Jańalyqtar  >
  Sport
«Aqjaıyq» Qazaqstan kýbogynyń shırek fınalyna joldama aldy
2022 jylǵy 13 tamyz 21:08

«Aqjaıyq» Qazaqstan kýbogynyń shırek fınalyna joldama aldy

NUR-SULTAN. QazAqparat – Fýtboldan Qazaqstan kýbogynyń altynshy týrynda Aqtaýdyń «Kaspııi» óz alańynda Oraldyń «Aqjaıyǵyn» qabyldady, dep habarlaıdy QazAqparat tilshisi.

Toptyq básekedegi sońǵy match qos komanda úshin de mańyzdy bolatyn. Oralda ótken oıynda «Aqjaıyq» 3:1 esebimen jeńiske jetken edi. Sondyqtan aqtaýlyqtardyń keminde úsh dop aıyrmashylyǵymen utýy qajet-ti.

Birinshi taım sońynda 47-mınýtta alań ıelerinen Dýman Nárzildaev aıyp dobyn dál oryndap, esep ashty – 1:0.

Ekinshi taımda buryshtamadan berilgen doptan keıin 62-mınýtta ýkraınalyq legıoner Artem Baranovskıı baspen gol salyp ketti – 2:1. Degenmen «Aqjaıyqtyń» surmergeni, grýzııalyq shabýylshy Toma Tabatadze 68-mınýtta esepti qysqartty – 1:2. Bul T.Tabatadzeniń bıylǵy Qazaqstan kýbogy matchtaryndaǵy besinshi goly edi.

Budan keıin aqtaýlyqtar qansha tyrysqanymen, esep ózgergen joq.

Osylaısha, «Aqjaıyq» Qazaqstan kýbogynyń shırek fınalyna joldama aldy.

Eske sala keteıik, budan buryn Qazaqstan kýbogy úshin oıynda «Aqjaıyq» pen «Qaısardyń» teń túskenin jazǵan bolatynbyz.

Sýretterdi túsirgen: Aıbatyr NURASh


Uqsas jańalyqtar
Seriktester jańalyqtary

Jańalyqtar

Úrdis

MURAǴAT