+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

«Aqjaıyq» fýtbol klýby bankrot dep tanylýy múmkin: BQO ákimdigi jaǵdaıdy túsindirdi

2020 jylǵy 3 jeltoqsan 13:45
Bólisińiz:
«Aqjaıyq» fýtbol klýby bankrot dep tanylýy múmkin: BQO ákimdigi jaǵdaıdy túsindirdi

ORAL. QazAqparat – Batys Qazaqstan oblysynda kásibı sport klýbtarynyń bıýdjetin qysqartý kózdelýde, dep habarlaıdy QazAqparat tilshisi.

BQO Dene shynyqtyrý jáne sport basqarmasynyń basshysy Qaımen Esendııarovtyń Óńirlik kommýnıkatsııalar qyzmeti alańynda ótken brıfıngide málim etkenindeı, sonyń esebinen únemdelgen qarajatty balalar jáne jasóspirimder sportyn, buqaralyq sportty damytýǵa jumsaý qarastyrylýda.

Memleket basshysy halyqqa Joldaýynda «Qarjy jetispeýshiligi jaǵdaıynda kásibı sport klýbtaryn tolyqtaı bıýdjet qarajaty esebinen ustaýdyń mańyzdylyǵy joq», dep atap kórsetken bolatyn.

Oblysta qazirgi tańda úsh kásibı sport klýby bar: «Aqjaıyq» fýtbol klýby, «Aqjaıyq» dopty hokkeı klýby jáne voleıbol komandasy.

Q.Esendııarovtiń sózine qaraǵanda, bıyl «Aqjaıyq» fýtbol klýbyna 635 mln teńge bólindi. Іndetke baılanysty birinshi lıga komandalary arasyndaǵy Qazaqstan chempıonaty tek kúzde ǵana, eki aı merzimde ótti. «Aqjaıyq» fýtbol klýby aldaǵy jyly Premer-lıgaǵa qaıta oralýdy maqsat etedi. Bas bapker de jańadan taǵaıyndalady.

«Aqjaıyq» fýtbol klýbynyń qosymsha qun salyǵyna qatysty 200 mln teńge qaryzy áli jabylǵan joq. Ony bıýdjet esebinen jabý múmkin emes. Zańdy tulǵa óz mindettemelerin oryndaı almasa, ony taratý nemese bankrot dep taný rásimderi júzege asyrylady. Qazirgi kezde basqarma bul máseleni zerdeleý ústinde. Árıne, «Aqjaıyq» fýtbol klýby joıylyp ketpeıdi. Memlekettik satyp alý zańnamasyna sáıkes komandany konkýrs arqyly qarjylandyrý júrgiziledi. Bul rette, jastar jáne balalar fýtbolyna basa mán bermekshimiz», - dedi Qaımen Esendııarov.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059

MURAǴAT