Aqjarqyn Turlybaıdyń sottalýyna kináli degen nıgerııalyq Qazaqstanǵa ekstradıtsııalanýy múmkin
2022 jylǵy 22 maýsym 10:53

Aqjarqyn Turlybaıdyń sottalýyna kináli degen nıgerııalyq Qazaqstanǵa ekstradıtsııalanýy múmkin

NUR-SULTAN. QazAqparat – Aqjarqyn Turlybaıdyń esirtki tasymaldaýyna kináli nıgerııalyq Qazaqstanǵa ekstradıtsııalanýy múmkin. Bul týraly QR Іshki ister mınıstrliginen málim etti dep habarlaıdy QazAqparat tilshisi.

«Osy jylǵy 20 maýsymda Nıgerııada Interpoldyń Qazaqstan Respýblıkasy ІІM-degi Ulttyq ortalyq bıýrosynyń suraýy boıynsha QR QK 259-babynyń 2-bóliginde kózdelgen qylmys (esirtki quraldaryn nemese psıhotroptyq zattardy zańsyz daıyndaý, qaıta óńdeý, satyp alý, saqtaý, tasymaldaý, jóneltý nemese ótkizý) jasaǵany úshin halyqaralyq izdeýde júrgen Adındo Nonso Fortýne ustaldy. Qazirgi ýaqytta ony qamaýda ustaý jáne Qazaqstanǵa odan ári ekstradıtsııalaý týraly protsessýaldyq sheshim qabyldaý maqsatynda qajetti materıaldar Interpoldyń Nıgerııa UOB-na joldandy», - delingen vedomstvo habarlamasynda.
Buǵan deıin Aqjarqyn Turlybaıdyń advokaty Suńqar Nurmaǵambet qorǵaýyndaǵy qazaqstandyqtyń Qytaıǵa saparyn uıymdastyrdy dep kúdikke ilingen nıgerııalyqtyń ustalǵanyn habarlaǵan edi.

Qytaı taraby Aqjarqyn Turlybaıdy Qazaqstanǵa ekstradıtsııalaýdan bas tartyp otyr.



Jańalyqtar

Úrdis

MURAǴAT