+7 (701) 759 90 19
USD 432.64 EUR 505.02
RUB 5.47 CNY 64.7
Jańalyqtar

Aqjarqyn Turlybaı Qazaqstanda jazasyn óteý týraly ótinish bergen joq – Bas prokýratýra

2020 jylǵy 8 qyrkúıek 14:04
Bólisińiz:
Aqjarqyn Turlybaı Qazaqstanda jazasyn óteý týraly ótinish bergen joq – Bas prokýratýra

NUR-SULTAN. QazAqparat - Qazaqstannyń Bas prokýratýrasyna Qytaıda esirtki tasymaly úshin ómir boıyna bas bostandyǵynan aırylǵan Aqjarqyn Turlybaıdan jazasyn týǵan jerinde óteý týraly ótinish túsken joq. Bul týraly QR Bas prokýrorynyń orynbasary Marat Ahmetjanov aıtty, dep habarlaıdy QazAqparat tilshisi.

«Bizdiń málimetimizge sáıkes, búginde onyń úkimi zańdy kúshine endi. Qytaı Halyq Respýblıkasymen sottalǵan azamattarymyzdy bir-birimizge berý týraly ekijaqty kelisimshart bar. Birinshi sharty – ol óziniń sottylyǵyn Qazaqstan Respýblıkasynda óteýge nıetti ekendigi týraly jazbasha ótinish berýi tıis. Sodan keıin QHR prokýratýrasyna qazaqstandyqty týǵan jerine estradıtsııalaý múmkindigi týraly habarlama jiberedi», - dedi ol Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, Aqjarqyn Turlybaı Qytaıda esirtki kontrabandasy úshin bas bostandyǵynan aırylyp otyr. Qazaqstanda da esirtki tasymaldap, satqany úshin bas bostandyǵynan aıyrý jazasy kózdelgen.

«Eger onyń áreketi osyǵan oraı bolsa, onda menińshe, kelisimshartqa sáıkes jáne barlyq materıldar zerdelengennen keıin ony Qazaqstanda jazasyn óteý úshin ekstradtsııalaýǵa tolyq múmkindik bar. Biraq, ázirshe onyń tarapynan búginge deıin bas prokýratýraǵa ótinish túsken joq. Munan bólek, qoǵaýshylary, QHR-daǵy konsýldyǵymyz, Elshiligimiz bar. Osyǵan oraı bizge resmı ótinim túse salysymen osy baǵyttaǵy jumysty bastaımyz», - dedi Marat Ahmetjanov.

Buǵan deıin habarlanǵandaı, 2019 jyldyń 27 jeltoqsanynda Gýanchjoý qalasynyń Halyq sotynda esirtki kontrabandasy úshin aıyptalǵan qazaqstandyq Aqjarqyn Turlybaıǵa qatysty qylmystyq is boıynsha úkim jarııalandy. Qytaı soty ómir boıy bas bostandyǵynan aıyrý týraly úkimdi ózgerissiz qaldyrdy. Keıinnen qorǵaýshy tarap sot úkimine shaǵym jasady. Alaıda, qosymsha tergeý nátıjeleri boıynsha sot bastapqy úkimdi ózgerissiz qaldyrdy. Qolda bar aqparatqa sáıkes, A.Turlybaı osy aıdyń ishinde Gýandýn provıntsııasy túrmeleriniń birine aýystyrylady.

Jaqynda Syrtqy ister mınıstrligi Aqjarqyn Turlybaıdy Qazaqstanǵa berý rásimin qoldaný qarastyrylyp jatqany týraly habarlady.



Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT