Aqyly jol ýchaskelerindegi tólem qunyn qalaı bilýge bolady
2021 jylǵy 23 qarasha 14:06

Aqyly jol ýchaskelerindegi tólem qunyn qalaı bilýge bolady

NUR-SULTAN. QazAqparat – Elimizde birqatar jol ýchaskeleri aqyly boldy. Osy oraıda «QazAvtoJol» kompanııasynyń Telegram-daǵy jelisi arqyly joldardaǵy tólem quny men ózge de suraqtar boıynsha jaýap alýǵa bolady, dep habarlaıdy QazAqparat tilshisi.

«Yńǵaıly bolý úshin Telegram-da kazautozholbot (chat-bot) bar. Osy bottyń kómegimen siz «QazAvtoJol» UK» AQ-ǵa ótinish joldaýǵa, kólik quralynyń balansyn tekserýge, sondaı-aq Respýblıkalyq mańyzy bar jalpy paıdalanymdaǵy aqyly avtomobıl joldary (ýchaskeleri) boıynsha júrip ótý úshin tólem baǵalary týraly aqparat alýǵa bolady», - delingen kompanııa málimetinde.

Sonymen qatar, atalǵan júıede jabyq turǵan nemese kólik qozǵalysyna shekteý engizilgen jol ýchaskelerin bilýge bolady.

Eske sala keteıik, 4 jolaqty qozǵalysy bar birinshi sanattaǵy respýblıkalyq mańyzy bar avtojoldardyń 7 ýchaskesinde aqy alý júıesine qorytyndy testileý júrgizildi («Nur-Sultan – Pavlodar», «Qapshaǵaı – Taldyqorǵan», «Taraz – Qaınar», «Shymkent – Taraz», «Shymkent – Qyzylorda», «Shymkent – Tashkent», «ýchınsk-Kókshetaý»).

Aqyly jol júıesin engizý týraly buıryqtar ádilet organdarynda memlekettik tirkeý rásiminen ótti jáne aǵymdaǵy jyldyń 23 qarashasynda zańdy kúshine enedi, sáıkesinshe osy kúnnen bastap jol júrý aqysy alynatyn bolady. Aqyly joldar boıynsha qyzmet kórsetý ortalyqtary jumys isteı bastady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT