+7 (701) 759 90 19
USD 425.37 EUR 492.66
RUB 5.97 CNY 66.15
Jańalyqtar

Aqylbek Kúrishbaev egin alqaptary ónimdiligin arttyrýdaǵy problemalardy aıtty

2021 jylǵy 9 qyrkúıek 12:09
Bólisińiz:
Aqylbek Kúrishbaev egin alqaptary ónimdiligin arttyrýdaǵy problemalardy aıtty

NUR-SULTAN. QazAqparat – Parlament Senatynyń jalpy otyrysynda depýtat Aqylbek Kúrishbaev elimizdegi egin alqaptary ónimdiligin arttyrýdaǵy problemalardy aıtty, dep habarlaıdy QazAqparat tilshisi.

Uqsas jańalyqtar
Qýańshylyqta Mańǵystaý men Qyzylorda oblystaryna qandaı kómek kórsetildi Memlekettik saıasatta ǵylymı jáne sarapshylyq qoldaýǵa qajettilik artady – Senat spıkeri Senat tóraǵasy: Qazaqstandyqtardyń 86 paıyzy qazaq tilin biledi

«Mamandardyń habarlaýynsha, klımattyń jahandyq jylynýy sebebinen Qazaqstan aýmaǵynda aýa temperatýrasy sońǵy 100 jylda 2 gradýsqa kóterildi. Al sońǵy 40 jylda ol ár on jyl saıyn orta eseppen 0,34 gradýsqa ulǵaıdy. ıAǵnı bolashaqta qurǵaq jyldar men qurǵaqshylyqtyń qaıtalaný múmkindigi kóbeıetin bolady. Bıylǵy qurǵaqshylyq bizdiń aýyl sharýashylyǵy óndirisiniń turaqsyzdyǵyn jáne qanshalyqty aýa raıyna táýeldi ekenin kórsetti. Dál osyndaı tabıǵı apattar oryn alatyn damyǵan agrarlyq elderdiń eshqaısysynda bizdegideı ónimdiliktiń tómendep ketýi kezdespeıdi. Sondyqtan biz ár óńirdiń aýa raıy jaǵdaıyna beıimdelgen aýyl sharýashylyǵyn júrgizýdiń jańa júıesine, ıaǵnı táýekelderdi basqarý rejımine aýysýymyz kerek», - dedi A. Kúrishbaev Premer-Mınıstr Asqar Mamınniń atyna joldaǵan saýalynda.

Onyń paıymynsha, elimizdiń gıdromet qyzmetin jańǵyrtý qajet. Aýa raıynyń naqty boljamynyń bolmaýyna baılanysty fermerlerimiz egin egýdiń ońtaıly merzimin anyqtaı almaı otyr. Esepteýler boıynsha bıyl Qazaqstannyń soltústik oblystarynda dándi daqyldardy erte sebýdiń saldarynan ónimniń úshten bir bóliginen aıyrylyp otyrmyz.

«Ekinshiden, depýtattar otandyq sorttardyń selektsııasyn damytý máselesin birneshe ret kóterdi. Qurǵaqshylyqqa tózimdi sorttardy tek bıotehnologııalyq zamanaýı ádister negizinde ǵana jasaýǵa bolady. Alaıda mundaı zertteýlerdi qajetti kólemde qarjylandyrý máseleleri áli de sheshilgen joq», - dedi senator.

Onyń aıtýynsha, agrarlyq salany damytý baǵdarlamalarynda oblystardyń aýyl sharýashylyǵynyń mamandanýyna basa nazar aýdarylǵan bolatyn. Qazir árkim qaýqary nege jetedi sonymen aınalysyp ketti.

«Mal sharýashylyǵyn mal azyǵy bazasy shekteýli jerlerde damytamyz. Óte qurǵaq aımaqta ıntensıvtik daqyldardy sebetin boldyq. Al AQSh-ta, Kanadada fermerlerdiń belgilengen mamandandyrý baǵyttaryn saqtaýy memleket tarapynan naqty rettelip otyrady», - dedi A. Kúrishbaev.

Sonymen qatar depýtat táýekeldi eginshilik aımaǵyndaǵy ónimniń turaqtylyǵy topyraq qunarlyǵyn arttyrý arqyly qamtamasyz etiletinin atap ótti.

«Tyńaıtqyshtardy keńinen qoldaný fermerler úshin qymbat bolatyny túsinikti. Biraq olardy eń bolmasa, eń qajetti jaǵdaıda, ıaǵnı dál eginshilik tehnologııasyn engizý arqyly qoldanýymyz kerek. Ol úshin aldymen topyraqtyń dál agrohımııalyq kartogrammasyn jasaý qajet. Biraq eldegi memlekettik agrohımııalyq qyzmet bul jumysty tıisti deńgeıde qamtamasyz ete almaı otyr. Esep komıtetinen Agrohımııalyq qyzmet kórsetý respýblıkalyq ǵylymı-ádistemelik ortalyǵyna jumsalatyn bıýdjet qarajatynyń tıimdiligin muqııat tekserýdi suraımyz. Oǵan jyl saıyn 400 mln teńgege jýyq qarajat memleketten bólinedi», - dedi senator.

«Aýyl sharýashylyǵyndaǵy saqtandyrý júıesin túbegeıli jetildirý kerek. 2020 jyly tek 115 myń gektar egistik saqtandyrylǵan, al bıyl 144 myń gektar ǵana. Bul egis alqaptarynyń 1 paıyzyna da jetpeıdi. Salystyra qarasaq, Kanadada memlekettik saqtandyrý is-sharalarynyń arqasynda qurǵaqshylyq jyldarynda fermerlerge shyǵyndardyń 75-80 paıyzy óteledi», - dedi Aqylbek Kúrishbaev.


Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT