+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Aqtoty Raıymqulova: Túrkistan – túrki halyqtarynyń tarıhı jáne rýhanı ortalyǵy

2019 jylǵy 2 qarasha 18:57
Bólisińiz:
Aqtoty Raıymqulova: Túrkistan – túrki halyqtarynyń tarıhı jáne rýhanı ortalyǵy

TÚRKІSTAN. QazAqparat - Mádenıet jáne sport mınıstri Aqtoty Raıymqulova Túrkistan oblysynyń mádenıet salasy qyzmetkerlerimen kezdesti, dep habarlaıdy QazAqparat atalǵan vedomstvoǵa silteme jasap.

Uqsas jańalyqtar

Memleket basshysy Qasym-Jomart Toqaevtyń «Syndarly qoǵamdyq dıalog - Qazaqstannyń turaqtylyǵy men órkendeýiniń negizi» atty Qazaqstan halqyna arnaǵan Joldaýyn iske asyrý jóninde mınıstrlik tarapynan qolǵa alynǵan sharalar týraly baıandaǵan mınıstr, mádenıet salasy qyzmetkerleriniń jalaqysyn kóterý, buqaralyq sportty damytý, týrızm salasyn jandandyrý, shetelden keletin týrısterdiń Qazaqstanǵa vızasyz kirý máselelerin aıtyp ótti.

«Mádenıet salasyna tikeleı qatysy bar adam retinde, jalaqyny arttyrý máselesiniń sheshilýin qanshalyqty kútkenimizdi túsinemin. Budan basqa, áleýmettik jeńildikter máselesi pysyqtalýda. Mádenıet jáne sport mınıstrligi memorandýmdar ázirlep, ákimdikterge jiberdi. Olardy oryndaý úshin áleýmettik qoldaý sharalaryn, onyń ishinde mádenıet jáne óner qyzmetkerleriniń turǵyn úı jaǵdaıyn jaqsartýdy qamtıtyn salalyq josparlar bekitiletin bolady» - dedi ol.


Sondaı-aq elimizdegi týrızmdi odan ári damytý úshin Túrkistan oblysynda qolǵa alynǵan jobalar jaıy sóz boldy.

«Bolashaq týrıstik aımaq bolatyn taǵy bir oblys – ol Túrkistan oblysy. Bul – túrki halyqtarynyń tarıhı jáne rýhanı ortalyǵy. Memleket basshysynyń tapsyrmasy boıynsha ortaǵasyrlyq Túrkistan qalashyǵyn qalpyna keltirý jóninde belsendi jumystar jalǵasýda. Qaıta qurý nátıjesinde kelýshiler men týrıster sany ondaǵan mıllıonǵa deıin artady. Al olardyń kelý ýaqyty birneshe saǵattan birneshe kúnge deıin artatyny kútilýde. Bul, oblys ekonomıkasyna qomaqty qarjy quıýdy qamtamasyz etedi. Sondaı-aq, «Otyrar» qalashyǵyn iri týrıstik joba retinde qalpyna keltirý jobasynyń tujyrymdamasy ázirlendi. Budan bólek, jyl sońyna deıin «Otyrar» vızıt-ortalyǵy ashylady. Al kelesi jyly «Áziret Sultan» memlekettik tarıhı-mádenı qoryq-mýzeıine qarasty Gaýhar ana kesenesi men ortaǵasyrlyq Saýran qalashyǵynda Sapar ortalyǵy boı kóteredi«, - dedi Aqtoty Raıymqulova.

Jıynǵa qatysqan mádenıet salasy qyzmetkerleri de usynys-pikirlerimen bólisti.

Aqyn, sazger Ábdihalyq Ábdiraıymovtyń hákim Abaı Qunanbaıulynyń 175 jyldyq mereıtoıyna oraı jazýshy Muhtar Áýezovtiń tabany tıgen syrly Sozaq jerinen Semeıge mádenıet jáne óner kerýenin uıymdastyrýǵa arnalǵan usynysyna alǵysyn bildirgen mınıstr, Ábý Nasyr ál-Farabıdiń 1150 jyldyq mereıtoıyn atap ótýge de aıryqsha tarıhı bastamalar qajettigin aıtty.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT