+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Aqtoty Raıymqulova Prezıdentke memleket qarjylandyratyn 42 fılm jaıynda esep berdi

2021 jylǵy 28 qyrkúıek 19:25
Bólisińiz:
Aqtoty Raıymqulova Prezıdentke memleket qarjylandyratyn 42 fılm jaıynda esep berdi

NUR-SULTAN. QazAqparat - Qasym-Jomart Toqaevqa mádenıet, sport, týrızm jáne arhıv salalarynda atqarylyp jatqan jumystar boıynsha málimet berildi. Sonymen qatar el Táýelsizdiginiń 30 jyldyǵyna, óner jáne mádenıet qaıratkerleriniń mereıtoılaryna arnalǵan is-sharalar týraly baıandaldy, dep habarlaıdy Aqordanyń baspasóz qyzmeti.

Uqsas jańalyqtar
24-25 qazanda Qasym-Jomart Toqaev Túrikmenstanǵa memlekettik saparmen barady Memleket basshysy: Kópulttylyq – bizdiń baǵymyz Assambleıaǵa patrıottyq uıym retinde qurmet kórsetýimiz kerek – Toqaev

Aqtoty Raıymqulova Memleket basshysyna Sháken Aımanov atyndaǵy «Qazaqfılm» kınostýdııasynyń jumysy, Ulttyq kınony qoldaýdyń memlekettik ortalyǵy, sondaı-aq «Kınematografııa týraly» Zańǵa engiziletin tolyqtyrýlar týraly málimet berdi.

Onyń aıtýynsha, bıyl sarapshylar keńesi men vedomstvoaralyq komıssııa maquldaǵan 42 kınojobany qarjylaı qoldaý josparlanǵan.

Qasym-Jomart Toqaevqa shyǵarmashylyq úıirmeler men sport sektsııalaryn jan basyna qaraı qarjylandyrý jumysy týraly aqparat berildi.

Elimizde balalar men jasóspirimderdiń 50 paıyzyn qamtyǵan 22 myńǵa jýyq shyǵarmashylyq úıirme men 126 myń sport sektsııasy jumys isteıdi.

Mınıstr mádenıet jáne sport salalaryndaǵy zańnamaǵa ózgerister men tolyqtyrýlar engizý jumysy týraly baıandady.

Sonymen qatar, kezdesý barysynda ishki týrızmdi damytýdyń perspektıvalary, osy salany tsıfrlandyrý máseleleri talqylandy.

Qazirgi ýaqytta birqatar tsıfrlyq sheshimder iske qosyldy. Kazakhstan.travel ulttyq týrıstik portaly, Týrızm onlaın, View Project, eQonaq júıesi, gıdterdiń biryńǵaı tizimi, sondaı-aq kórsetilgen qyzmet sapasyna qatysty pikir nemese shaǵym qaldyrýǵa múmkindik beretin E-Shagym modýli sııaqty jańa resýrstar ázirlenip jatyr.

Prezıdentke ıÝNESKO-men yntymaqtastyqtyń jaǵdaıy týraly baıandaldy.

Búginde Qazaqstan atynan Búkilálemdik mura tizimine tarıhı jáne mádenı on eskertkish engizilgen.

Aqtoty Raıymqulovanyń aıtýynsha, mınıstrlik ıÝNESKO tizimine materıaldyq jáne materıaldyq emes mádenı muranyń jańa nysandaryn engizý boıynsha belsendi jumys júrgizip jatyr.

Kezdesý sońynda Qasym-Jomart Toqaev mınıstrge osy baǵyttaǵy jumystardy jalǵastyrýdy tapsyrdy.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT