+7 (701) 759 90 19
USD 387.16 EUR 428.47
RUB 6.08 CNY 55.13
Jańalyqtar

Aqtoty Raıymqulova: Memlekettik rámizder el aýmaǵynda ǵana jasalýy tıis

2019 jylǵy 23 qazan 17:55
Bólisińiz:
Aqtoty Raıymqulova: Memlekettik rámizder el aýmaǵynda ǵana jasalýy tıis

NUR-SULTAN. QazAqparat – Qazaqstanda memlekettik rámizderi el aýmaǵynda ǵana jasalýy tıis. Bul týraly QR Mádenıet jáne sport mınıstri Aqtoty Raıymqulova málimdedi, dep habarlaıdy QazAqparat tilshisi.

Uqsas jańalyqtar

«Ruqsattar jáne habarlamalar týraly Zańǵa sáıkes, el aýmaǵyndaǵy memlekettik rámizderdi daıyndaý lıtsenzııalanatyn qyzmet bolyp tabylady. Bul shyǵarylatyn ónimniń memlekettik standarttarǵa sáıkestigin qamtamasyz etedi. Sonymen qatar, otandyq naryqta elden tysqary jerde daıyndalǵan memlekettik rámizder de bar. Aıtalyq, 2019 jyldyń 8 aıynda olardyń ımport kólemi 3,4 mlrd teńgeni quraǵan. Bul máseleni sheshý úshin shıkizat satyp alýdy qospaǵanda, daıyndaýshylarǵa arnalǵan biliktilik talaptaryn, olardy eldiń aýmaǵynda óndirýdiń tolyq tsıklin qamtamasyz etý týraly normamen tolyqtyrý arqyly memlekettik rámizderdiń ımportyna tyıym salý qajet», - dedi mınıstr Aqordada Memlekettik rámizder men vedomstvolyq jáne olarǵa teńestirilgen ózge de nagradalar geraldıkasy máseleleri jónindegi respýblıkalyq komıssııa otyrysynda.

Onyń aıtýynsha, daıyn ónimdi shetelden satyp alatyn resmı daıyndaýshylardan lıtsenzııany qaıtaryp alý jumystary júrip jatyr. Bul salada ýákiletti organdar – Saýda jáne ıntegratsııa, Qarjy mınıstrlikteri biliktilik talaptaryna ózgerister engizý boıynsha shuǵyl sharalar qabyldaı bastady.

«Máselen, bul baǵytta memlekettik rámizderdiń resmı óndirýshilerine monıtorıng júrgizildi. Onyń qorytyndysy boıynsha, 63 lıtsenzıattyń 29-y ǵana biliktilik talaptaryna saı bop shyqty. Osy oraıda ýákiletti organ – Saýda jáne ıntegratsııa mınıstrligi sala kásiporyndaryna josparly tekserý júrgizip, biliktilik talaptaryna saı emes 34 lıtsenzıatqa memlekettik rámizdi jasaýǵa tyıym salýy tıis. Ne olardyń jumysyn durys baǵytqa burý jóninde naqty nusqaý berýi kerek», - dedi Aqtoty Raıymqulova.

Osyǵan oraı, komıssııa tóraǵasy, Memlekettik hatshy Qyrymbek Kósherbaev rámizderdi daıyndaýshylarǵa arnalǵan biliktilik talaptaryn kúsheıtý arqyly olardy el aýmaǵynda ǵana óndirýdiń tolyq tsıklin qamtamasyz etýdi jáne olardyń ımportyna tyıym salýdy tapsyrdy.

Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT