+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Aqtoty Raıymqulova qazaqstandyqtardy Dombyra kúnimen quttyqtady

2020 jylǵy 5 shilde 15:36
Bólisińiz:
Aqtoty Raıymqulova qazaqstandyqtardy Dombyra kúnimen quttyqtady

NUR-SULTAN. QazAqparat - QR Mádenıet jáne sport mınıstri Aqtoty Raıymqulova qazaqstandyqtardy Ulttyq dombyra kúnimen quttyqtady, dep habarlaıdy QazAqparat tilshisi.

Uqsas jańalyqtar

«Qurmetti otandastar, sizderdi shildeniń birinshi jeksenbisi - Ulttyq dombyra kúnimen shyn júrekten quttyqtaımyn! Dombyra - halqymyzdyń kıesine aınalǵan qasıetti aspap. Uly Dala tósin meken etken halqymyzben birge jasap kele jatqan - kónekóz shejire. Osynaý tyńdarmandy jigerlendiretin tókpe jəne shertpe kúılerimen ǵasyrlar qoınaýynan syr shertip kele jatqan qazynaǵa qazaq úki taǵyp, laıym tórden oryn beredi. 2018 jyly 12 maýsymda Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaev uly muramyzdy ulyqtaý maqsatynda shildeniń birinshi jeksenbisin «Ulttyq dombyra kúni» dep belgilegen edi. Byltyr bul merekeni joǵary deńgeıde atap óttik. Al bıyl əlemdik koronavırýs pandemııasyna baılanysty karantın shekteýleri engizilip, torqaly toıdy dúıim jurt úıinde atap ótýge məjbúr», - dep jazdy mınıstr Instagram paraqshasynda.

Degenmen ol bul kúnniń bizge bereri ulttyq ónerimizdiń mən-mańyzyn jete túsiný, qulaqqa jaǵymdy, júrekke jaqyn oıly dybyspen jetken halqymyzdyń aqyl-oıy, kóńil kúıin seziný ekendigin basa aıtty.

«Búginde qasterli aspap sımfonııa men operaǵa ár berip, klassıkalyq ónerdiń ajyramas bólshegine aınalyp kele jatqany qýantady. Qurmetti qazaqstandyqtar, ər shańyraqta kúmbir-kúmbir kúı tartylyp, berekeli basqosýlar kóp bolsyn!», - dedi Aqtoty Raıymqulova.

Buǵan deıin Memleket basshysy Qasym-Jomart Toqaev qazaqstandyqtardy Ulttyq dombyra kúnimen quttyqtaǵanyn habarlaǵan edik.

Esterińizge sala keteıik , jyl saıyn shildeniń alǵashqy jeksenbisine dóp keletin, ulttyq aspabymyzdy ulyqtaýǵa arnalǵan bul mereke QR Tuńǵysh Prezıdenti - Elbasy Nursultan Nazarbaevtyń jarlyǵymen 2018 jyldan beri elimizde keńinen atalyp ótedi.



Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT