Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 386.05 EUR 428.25
RUB 5.84 CNY 54.65
Jańalyqtar

Aqtoty Raıymqulova elimizdi álemge tanytyp júrgen jastarmen kezdesti

2019 jylǵy 17 shilde 13:05 484
Bólisińiz:
Aqtoty Raıymqulova elimizdi álemge tanytyp júrgen jastarmen kezdesti

NUR-SULTAN.QazAqparat - QR Mádenıet jáne sport mınıstri Aqtoty Raıymqulova halyqaralyq baıqaýlarda júldeger atanǵan jastarmen kezdesti, dep habarlaıdy QazAqparat tilshisi.

Kezdesýge «Slavıan bazary – 2019» konkýrsynyń jeńimpazy Ádihan Makın men Ýkraınada ótken «Molodaıa gılıchına-2019» halyqaralyq án baıqaýynyń bas júldesin alǵan Qýanysh Erzatuly jáne І oryn júldegerleri Mereke Kenjeǵul men «Qazaq qyzdary» trıosy keldi.

«Kúlli álemge Uly dala eliniń óneri men mádenıetin nasıhattap júrgen eńbekterińizge sheksiz alǵysymdy bildiremin (...) Qazaqtyń qońyr úni halqymyzdyń mańdaıyna bitken baǵy desem, artyq aıtqanym emes. Ózderińiz bilesizder, Ámire Qashaýbaev Parıjdi qalaı baǵyndyrsa, Dımashymyz mıllıardtaǵan halqy bar Qytaıdy, keıinirek álemdi moıyndatty. Minekeı, sizder de daryndaryńyzben kózge túsip, júldemen kelip otyrsyzdar. Shyn júrekten qýanyshtymyn. Bolashaqta álem sahnalarynda budan da qor jetistikterge jetetinderińizge senimdimin», - dedi Aqtoty Raıymqulova QR Mádenıet jáne sport mınıstrliginde ótken kezdesýde.



Sonymen birge, kezdesýde Qazaq ulttyq óner T. Júrgenov atyndaǵy óner akademııasynyń rektory Ashat Maemırov QR Mádenıet jáne sport mınıstrligine alǵys bildirdi.

«Slavıan bazary» - Eýrazııa keńistigindegi bedeldi oryndaýshylar baıqaýy. Tórt jyl buryn Dımash osy baıqaýdan qanat qaǵyp ushty. Qazir álemdi baǵyndyrdy. Sizdiń de (Aqtoty Raıymqulova - red.) ana retinde Ádilhanǵa jazǵan qoldaýyńyzdy jetkizip júrdim. Taǵy bir aıtarym, ánshi Tamara Gverdtsıtélı bas júldeni tapsyryp jatyp, Qazaqstanda ónerge, mádenıetke qoldaý bildirgeni úshin Elbasyna alǵys aıtty. Ádilhan bıyl birinshi ret taǵaıyndalǵan Belarýs prezıdenti Aleksandr Lýkashenkonyń «Slavıan úmiti» syılyǵyn jeńip aldy», - dedi Ashat Maemırov.

T.Júrgenov atyndaǵy Qazaq ulttyq óner akademııasynyń stýdenti Ádilhan Makın «Slavıan bazary-2019» halyqaralyq festıvalinde Gran-prıge ıe boldy.

Byltyr bul baıqaýda qazaqstandyq Ernar Sadyrbaı júldeli 1-oryn ıelense, 2015 jyly Dımash Qudaıbergen tuńǵysh ret Gran-prı jeńip alǵan edi.











Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT