Aqtóbeniń bas ustazy oqýshy qyzyn vaktsına saldyrýǵa ertip bardy
2021 jylǵy 26 qarasha 21:26

Aqtóbeniń bas ustazy oqýshy qyzyn vaktsına saldyrýǵa ertip bardy

AQTÓBE. QazAqparat – Aqtóbe oblystyq bilim basqarmasynyń basshysy Joldas Batyrhan oqýshy qyzyna vaktsına saldyrýǵa kelisim berip, emhanaǵa ertip bardy, dep habarlaıdy QazAqparat tilshisi.

Aqtóbe oblysy boıynsha 200-ge jýyq adam Pfizer vaktsınasyn saldyrdy. Onyń 88-i — jasóspirim. Sondaı-aq 13-i júkti kelinshek bolsa, kóbi bala emizetin ana. Búgin oblystyń bas ustazy Joldas Batyrhan ózge áriptesterine úlgi bolyp, oqýshy qyzyn emhanaǵa ertip bardy. Ol aldymen kelisim paraǵyn toltyryp, keıin dárigerlerden keńes aldy.

«Oblys jurtshylyǵy vaktsınanyń paıdaly, qajet dúnıe ekenin biledi. Álemde koronavırýs ınfektsııasy tirkelip, taraı bastaǵan kezde kóp adamnyń osy vaktsınany armandaǵany da esimizde. Emi, shıpasy tabylsa dedi. Ǵylymı zertteý júrdi, ǵalymdar kóp is tyndyrdy. Kóktemde eresekterge vaktsına saldyrar kezde otbasymyz túgel vaktsına qabyldady. Búgin qyzymdy ertip kelip, ózim revaktsınatsııadan óttim. Al qyzyma Pfizer vaktsınasyn saldyrdyrýǵa ruqsat berdim. Ol 12 jasta. Qazir 6-synypta oqıdy. Keshe ǵana balalardyń taratýshy ekenin bilgenin, endi moraldyq turǵyda ekpe alýǵa daıyn ekenin aıtty», - dedi oblystyq bilim basqarmasynyń basshysy Joldas Batyrhan.

Aıta keteıik, Aqtóbe oblysy boıynsha 12-18 jas aralyǵyndaǵy 90-ǵa jýyq jasóspirim bar. Jańa oqý jylynda 200-ge jýyq bala koronavırýs ınfektsııasyn juqtyryp, dáriger baqylaýynda bolǵan.

«Balalardyń aýyrǵanyn kórmedim. Biraq biz biletin aqparatty aıtsam, balalar kóbine tasymaldaýshy. Olar ózgege, úlkenderge juqtyrýy múmkin. Ózimniń ata-jem aýyrdy. Sol kezde qatty qoryqtym. Sondyqtan men vaktsına saldyramyn dep sheshim qabyldadym. Ata-anam qoldady. Vaktsına saldyrǵan soń ózimdi jaqsy sezindim. Eshqandaı qorqynysh bolmady. Osy arqyly zamandastaryma úlgi bolǵym keldi», - dedi oqýshy Gúlnázı Nurlanova.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT