+7 (701) 759 90 19
USD 424.92 EUR 500.09
RUB 5.87 CNY 65.92
Jańalyqtar

Aqtóbeniń bas ınfektsıonıst dárigeri: Koronavırýs ınfektsııasy - ókpe ınfarkti

2021 jylǵy 24 shilde 16:21
Bólisińiz:
Aqtóbeniń bas ınfektsıonıst dárigeri: Koronavırýs ınfektsııasy - ókpe ınfarkti

AQTÓBE. QazAqparat - Aqtóbeniń bas ınfektsıonıst dárigeri Meırambek Qurmanǵazın etno-mádenı birlestik ókilderimen kezdesip, vaktsına saldyrýdyń mańyzyn túsindirdi, dep habarlaıdy QazAqparat tilshisi.

Uqsas jańalyqtar
Koronavırýs: Atyraýda eki aı jansaqtaý bóliminde jatqan naýqas emdelip shyqty Aqtóbede mal urlap, bazarda satqan kúdikti top ustaldy Atyraý oblysynda vaktsınanyń eki komponentin 164 myńnan astam adam saldyrdy

Aqtóbe oblysy áli de «qyzyl» aımaqta tur. Bir táýlikte taǵy 250 adamnan koronavırýs ınfektsııasy anyqtaldy. Oblystyń bas ınfektsıonıst dárigeri qazirgi kezde túrli ujymǵa baryp, vaktsınanyń mańyzyn túsindirip, qarapaıym adamdardyń suraǵyna jaýap berip júr.
«Koronavırýs ınfektsııasy áli túbegeıli zerttelgen joq. Ol náreste sııaqty. «Bul ne?« degen suraǵy kóp kezeńdi biz bastan ótkerip jatyrmyz. Ári mýtatsııa júrip jatyr. Bul degenimiz - jańa vırýs. Tarıhqa júginsek, 1918-1919 jyldary tumaý órshidi. Pandemııa kezinde 500 mıllıon adam aýyryp, 20 mıllıony kóz jumdy. Al 1941-1945 jyldary aralyǵynda 27-28 mıllıon adam qaıtys boldy. Soǵys bolmasa da soǵysqa teń adam shyǵyny bar ekenin osydan uǵamyz. Dál osyndaı «áskerı kezeńde« shuǵyl sheshim qabyldanady. Saıası suraqqa aınaldyrýdyń qajeti joq. Dáriger úshin adam ómiri, ult saýlyǵy mańyzdy»,- dedi oblystyń bas ınfektsıonıst dárigeri Meırambek Qurmanǵazın.
Onyń aıtýynsha, qazir kún saıyn balalardan da koronavırýs ınfektsııasy anyqtalyp jatyr. Olardyń ishi ótse, keıin ókpege de kúsh túsýi múmkin.
«Aqtóbe oblysynda delta shtamm bar. Ony biz birneshe aı buryn klınıkalyq turǵyda tirkesek, qazir rastaldy. Tez taraıdy, adamdardyń aǵzasy birden álsireıdi. Naqtylap aıtsam, aǵzaǵa vırýs engende usaq qan tamyrlary zaqymdanady. ıAǵnı, bul ókpe ınfarkti. Qan aınalmaıdy, túıirshiktelip, keıin jarylady. Sondyqtan aldyn alyp, em qabyldaý kerek. Bul degenimiz - vaktsına»,- dedi Meırambek Qurmanǵazın.
Kezdesý kezinde etno-mádenı birlestik ókilderi vaktsına saldyrǵanyn, tipti vaktsınany asyǵa kútkenin jetkizdi.
«Ótken jyly men anammen birge koronavırýs ınfektsııasyn juqtyryp, aýyrdym. Ol kezde ómirmen qoshtasqan edim. Sebebi jótel qatty boldy, dem jetpedi. Tipti jedel járdem shaqyra almaı, qınaldym. Dárigerler kómektesip, aman qaldym. Sol kezde tezirek vaktsına shyqsa dep armandaıtyn edim. Aqtóbede Spýtnık V vaktsınasy jetip, alǵashqylardyń qatarynda saldyrdym. Qazir ózimdi qaýipsiz sezinemin. «Ashyq« qosymshasyn paıdalanyp, basseınge baryp júrmin»,- dedi Natalıa Ogloblına.
Sondaı-aq jıynǵa qatysqan ózge ult ókilderi áleýmettik jelidegi kereǵar pikirge mindetti túrde arnaıy maman jaýap berýi tıis dep sanaıdy.
«Ózim vaktsına saldyrdym. Meniń dostarym dáriger. Olar maǵan vaktsınanyń mán-mańyzyn túsindirip berdi. Al áleýmettik jelide jaǵdaı basqa. Ózi qarsy, ózgeni de qarsy qoıady. Meniń oıymsha, mamandar olarǵa jaýap berip, ujymdyq ımmýnıtet qalyptastyrýdyń mańyzyn túsindirýi kerek»,- dedi «Alye parýsa» jastar teatrynyń kórkemdik jetekshisi Nadejda Kıek.
Aıta keteıik, oblysta 213 adam vaktsınanyń birinshi komponentin qabyldady. Onyń 121-i eki dozasyn da saldyrdy.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT