+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Aqtóbeniń ákimi Prezıdent tapsyrmasynyń qalaı oryndalyp jatqanyn aıtyp berdi

2019 jylǵy 17 shilde 22:12
Bólisińiz:
Aqtóbeniń ákimi Prezıdent tapsyrmasynyń qalaı oryndalyp jatqanyn aıtyp berdi

AQTÓBE. QazAqparat - Prezıdenttiń halyqtyń ál-aýqatyn jaqsartý jónindegi tapsyrmasy Aqtóbede iske asyrylyp jatyr, dep habarlaıdy QazAqparat tilshisi oblys ákiminiń baspasóz qyzmetine silteme jasap.

Uqsas jańalyqtar
Depozıt boıynsha eń joǵary paıyzdyq mólsherleme qandaı Ulttyq qordyń aktıvteri $1,3 mlrd ósti Qarjyny qaıda salǵan tıimdi: Qaırat Kelimbetov turǵyndarǵa keńes berdi

Óńir basshysy Ońdasyn Orazalın oblys aktıviniń keńeıtilgen otyrysynda birinshi jartyjyldyqty qorytyndylady. Keńeıtilgen otyrysqa Prezıdent ákimshiliginiń memlekettik ınspektory D.Sharıpov jáne oblystyq máslıhat depýtattary, quqyq qorǵaý jáne memlekettik organdardyń basshylary, qoǵamdyq keńes músheleri, barlyq aýdan, aýyl ákimderi qatysty.



«Úkimettiń keńeıtilgen otyrysynda Memleket basshysy elimizdiń áleýmettik-ekonomıkalyq damýynyń ósimin jáne halyqtyń turmysyn jaqsartýǵa basa nazar aýdardy. Bunyń barlyǵy Qasym-Jomart Kemelulynyń saılaýaldy baǵdarlamasy men «Birge» jalpyulttyq aktsııasyn júzege asyrý boıynsha sharalar qabyldaýǵa baǵyttalǵan. Osy oraıda Aqtóbe oblysy óz mindetin tabysty oryndap keledi. Birinshi jartyjyldyqtyń qorytyndysy boıynsha óńirimizdiń barlyq áleýmettik-ekonomıkalyq kórsetkishi ósti. Jyl aıaǵyna deıin qarqyndy ósimdi qamtamasyz etetin bolamyz», - dedi aımaq basshysy O.Orazalın.
Aqtóbe oblysynyń ónerkásip salasy 105,1%, aýyl sharýashylyǵy 104,4%, ınvestıtsııa 102%, turǵyn úı qurylysy 113,1%, qurylys 102,3%, kóterme jáne bólshek taýar aınalymy 104,2% qurap otyr. Oblys boıynsha ortasha aılyq eńbekaqy 11,7%-ǵa ósip, 140 myń teńgege jetti. Qańtar aıynan bastap 70 myńnan astam aqtóbelikterdiń eń tómengi eńbekaqysy 1,5 esege ósti. 1-maýsymnan bastap 70 myń bıýdjettik sala qyzmetkeriniń jalaqysy ortasha 30%-ǵa deıin kóbeıdi. Oblystyń jeke sektorlardaǵy 32 myńnan astam qyzmetkerlerdiń jalaqysy orta eseppen 15%-ǵa artty.



«Qazirgi tańda naryqtyq qatynastarǵa baılanysty baǵanyń ósýine jol bermeý óte mańyzdy. Oblysymyzda ınflıatsııa deńgeıi respýblıkalyq kórsetkishten tómen, ıaǵnı, 102,2% qurady. Sondyqtan árbir aýdan jáne Aqtóbe qalasynyń ákimderi, salalyq basqarma basshylary atalǵan turaqtylyqty saqtap, osy tapsyrmany oryndaýy tıis. Memleket basshysy jańa jumys oryndaryn qurý máselesine erekshe kóńil bóldi. Búgingi tańda oblysta 11 myńnan astam jańa jumys orny ashyldy. Jyldyń aıaǵyna deıin qosymsha 9 myńnan astam jumys ornyn quratyn bolamyz. Qabyldanyp jatqan sharalar jumyssyzdyqty 4,8% deńgeıinde ustap turýǵa múmkindik beredi», - dedi oblys ákimi Ońdasyn Orazalın.
Taǵy bir mańyzdy baǵyt - bıýdjet kiris bóliginiń ósý qarqynyn qamtamasyz etý. Oblystaǵy jergilikti bıýdjettiń kirisi 106,8%-ǵa oryndalyp, bólingen qarjy 99,4% ıgerildi. Jyldyń sońyna deıin 100% ıgerý josparlanyp otyr.



Kópbalaly analardy, az qamtylǵan otbasylardy baspanamen qamtamasyz etý de basty nazarda tur. Bul sanat boıynsha oblysta 9 myń adam kezekte tur. Bıyl 1 200-den astam páter berý josparlandy.
Óńir turǵyn úı qurylysy boıynsha da respýblıkada aldyńǵy qatardan kórinip keledi. Jyl sońyna deıin «Nurly jer» baǵdarlamasy aıasynda 1 mıllıon sharshy metrge jýyq turǵyn úı nemese 8,7 myń páter paıdalanýǵa beriledi.



Oblys basshysy óz baıandamasynda ındýstrıalyq damý, ónerkásip, aýylsharýashylyq, týrızm, shaǵyn jáne orta bıznesti damytý, avtomobıl joldary, sý, gazben jabdyqtaý, kóp balaly jáne az qamtylǵan otbasylardy qoldaý, turǵyn úımen qamtý, bilim, sport, densaýlyq saqtaý salalary boıynsha da keńinen toqtalyp, qala, aýdan ákimderi men sala basshylaryna naqty tapsyrmalar berdi.


Bizdiń kanalymyzǵa jazylyńyz:

Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT